Umugore we, Dr. Winnie Byanyima, kuri uyu wa 20 Ugushyingo yatangaje ko umuryango we n’abanyamategeko batashoboye kumugeraho, agaragaza ko atabona impamvu yatumye umuntu utari umusirikare afungirwa muri kasho y’igisirikare.

Ikinyamakuru Soft Power cyatangaje ko cyavuganye n’umwe mu bashinzwe umutekano wo ku rwego rwo hejuru, asobanura ko Dr. Besigye yafashwe ubwo yaganiraga n’abanyamahanga ku buryo bamugurisha intwaro.

Yagize ati “Ubu ari muri kasho. Azashinjwa guhungabanya umutekano w’igihugu, yifatanyije n’abanyamahanga.”

Amashusho yatangajwe n’ikinyamakuru ChimpReports saa sita n’iminota ine z’amanywa agaragaza Dr. Besigye agezwa ku rukiko rwa Makindye, aherekejwe n’abasirikare bo mu mutwe w’ingabo zidasanzwe, SFC.

Bamwe mu bayobozi bakuru mu ishyaka FDC ryashinzwe na Dr Besigye bageze ku rukiko rwa Makindye mu gitondo cyo kuri uyu wa 20 Ugushyingo kugira ngo bakurikirane dosiye ye.

Video: @kizzabesigye1 appearing at Makindye General Court Martial today. #ChimpReportsNews https://t.co/RfHZk2HPSV pic.twitter.com/ZPm33i6HR7

— ChimpReports (@ChimpReports) November 20, 2024

Abayobozi bakuru mu ishyaka FDC bageze ku rukiko rwa Makindye, aho biteganyijwe ko Dr. Besigye agezwa uyu munsi