Congo: Perezida Sassou Nguesso agiye kwiyamamariza indi manda nyuma y’imyaka 36 ku butegetsi

Yanditswe na Tuyishimire Raymond
Kuya 11 Ukuboza 2020 saa 07:34
Yasuwe :
0 0

Perezida Denis Sassou Nguesso uyobora Repubulika ya Congo, yatangaje ko agiye kwiyamamariza manda ya kane, nyuma y’imyaka 36 amaze ayobora iki gihugu.

Uyu mugabo w’imyaka 77 ayobora Repubulika ya Congo kuva mu 1979.

Agiye kwiyamamaza nyuma gutangwa nk’umukandida w’amashyaka 17 yishyize hamwe, ku buryo ari we mukandida ushyigikiwe na benshi. Umuyobozi w’iri huriro, Pierre Moussa, yavuze ko abayobozi b’amashyaka yishyize hamwe bafitiye icyizere Perezida Sassou Nguesso, nk’uko AFP yabitangaje.

Ntabwo Nguesso aratangaza ko ziyamamaza, gusa bikekwa ko azabikora ku mugaragaro ku wa 19 Ukuboza mu ijambo azageza ku baturage, akanatangaza amatariki nyirizina amatora azaberaho kuko ateganyijwe muri Werurwe 2021.

Congo - Brazzaville yatoye binyuze muri referandumu mu 2015, ikurwaho ry’imyaka 70 yagenwaga nk’imyaka perezida atagomba kuba arengeje, hanakurwaho ko perezida atagomba kwiyamamaza manda zirenze ebyiri.

Iki cyemezo cyahaye inzira Sassou Nguesso cyo kubona manda ya gatatu mu matora yo muri Werurwe 2016, yateje umwuka mubi hagati ye n’abo bari bahanganye.

Perezida Sassou Nguesso agiye kwiyamamariza indi manda nyuma y’imyaka 36 ku butegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .