00:00:00 IGIHE NETWORK KN KINYARWANDA EN ENGLISH FR FRANCAIS

Congo Brazzaville: Umudepite yakuwe mu biyamamaza azira amagambo y’ivangura

Yanditswe na Rosine Ingabire, Umutoni Rosine
Kuya 3 July 2022 saa 08:17
Yasuwe :

Léonidas Motom wiyamamarizaga umwanya w’ubudepite ku iturufu y’ishyaka Parti congolais du travail (PCT) riri ku butegetsi muri Congo Brazzaville, yakuwe ku rutonde rw’abagombaga kurihagararira azira amagambo y’ivangura rishingiye ku bwoko.

Uyu mugabo usanzwe ari umudepite, yari amaze iminsi yiyamamariza kongera guhagarira agace ka Ouesso kari mu Majyaruguru y’igihugu. Amatora y’abagize Inteko Ishinga Amategeko azaba tariki 10 Nyakanga uyu mwaka.

Motom hari amashusho yashyizwe ku mbuga nkoranyambaga agaragaza ko ibibazo by’abaturage ba Ouesso nta wundi ushobora kubikemura atari umurwanashyaka wa PCT kandi uvuka muri ako gace.

Yahise atangira kwamaganwa n’abakoresha imbuga nkoranyambaga, bavuga ko ari imvugo z’urwango zishaka kugaragaza ko abandi badashoboye.

Byatumye Minisiteri ishinzwe gukurikirana imigendekere y’amatora ihita imuvana ku rutonde ndetse n’ishyaka rye ryitandukanya na we.

RFI yatangaje ko Motom yahoze atuye mu Bufaransa. Mu mwaka wa 2016 yagizwe Minisitiri w’Umuco, umwanya yamazeho umwaka umwe. Guhera mu 2017 yari mu Nteko Ishinga Amategeko. Yiyamamazaga ashaka indi manda.

Amatora y'abagize Inteko ya Congo Brazzaville azakorwa kuwa 10 Nyakanga 2022

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .