Centrafrique: Intsinzi ya Touadéra yemejwe bidasubirwaho

Yanditswe na Bukuru JC
Kuya 18 Mutarama 2021 saa 07:00
Yasuwe :
0 0

Urukiko rw’Ikirenga muri Centrafrique bidasubirwaho rwemeje intsinzi Faustin-Archange Touadéra mu matora ya Perezida yabaye mu kwezi gushize.

Faustin-Archange Touadéra yagize amajwi 53% atsinda Anicet Georges Dologuélé bari bahanganye cyane wagize amajwi 21.69 %.

Intsinzi ya Touadéra yaje mu gihe amatora yanenzwe kubamo ibibazo byinshi birimo kuba yarabaye byinshi mu bice by’igihugu biri mu maboko y’inyeshyamba n’umubare muke w’abaturage bayitabiriye.

Guverinoma ndetse na Loni byashinje François Bozizé wahoze ayobora icyo gihugu, gukorana n’imitwe yitwaje intwaro bagamije guhirika ubutegetsi no guteza akavuyo mu gihugu.

François Bozizé yihuje n’imitwe yitwaje intwaro nyuma yo kwangirwa kwiyamamaza. Biteganyijwe ko Faustin-Archange Touadéra azarahira muri Werurwe 2021.

Faustin-Archange Touadéra yemejwe nk'uwatsinze amatora bidasubirwaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .