00:00:00 IGIHE NETWORK KN KINYARWANDA EN ENGLISH FR FRANCAIS

Centrafrique: Ingabo z’u Rwanda zambitswe imidali y’ishimwe

Yanditswe na IGIHE
Kuya 25 Ugushyingo 2022 saa 07:57
Yasuwe :

Ingabo z’u Rwanda ziri mu butumwa bwa Loni bwo kubungabunga amahoro muri Centrafrique (MINUSCA), zambitswe imidali y’ishimwe y’Umuryango w’Abibumbye.

Ni igikorwa cyabereye i Bangui ku cyicaro cya RWABATT10 kiri mu birindiro by’ahitwa Socatel M’Poko kuri uyu wa Gatanu tariki 25 Ugushyingo 2022.

Intumwa idasanzwe y’Umunyamabanga Mukuru wa Loni, Valentine Rugwabiza, wayoboye uyu muhango, yashimiye ingabo z’u Rwanda kugarura amahoro n’icyizere mu baturage ba Centrafrique.

Yagize ati “Ndifuza gushimira mwese ku bwa serivisi n’akazi mwakoze mutizigama none bikaba bibahesheje imidali; ibi birerekana imikorere yanyu yo gushyira mu bikorwa inshingano zanyu”.

Umuyobozi wa RWABATT10, Col Emery Kayumba, yavuze ko kwambikwa imidali ari ikintu kidasanzwe mu mwuga wa gisirikare, bikaba bibatera akanyabugabo kadasanzwe mu kuzuza inshingano bahabwa na MINUSCA.

Ibi birori kandi byitabiriwe n’abayobozi muri guverinoma ya Centrafrique, uhagarariye u Rwanda muri Centrafrique, Olivier Kayumba, abahagarariye MINUSCA, abanyarwanda baba muri iki gihugu n’abandi.

Valentine Rugwabiza niwe wambitse ingabo z'u Rwanda imidali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .