Centrafrique: Hatangiye iperereza kuri Bozizé wahoze ari Perezida

Yanditswe na Mukahirwa Diane
Kuya 5 Mutarama 2021 saa 07:29
Yasuwe :
0 0

Abashinjacyaha bo muri Repubulika ya Centrafrique batangiye iperereza ku wahoze ari Perezida, François Bozizé, ukekwaho ibikorwa byo guhungabanya umutekano no kwigomeka ku butegetsi.

Mu kwezi gushize guverinoma y’iki gihugu yamushinje gushaka guhirika ubutegetsi mbere y’amatora rusange, ubwo inyeshyamba ze zerekezaga mu Murwa Mukuru Bangui.

Bozizé yihuje n’imitwe irwanya Leta nyuma y’uko yangiwe kwiyamamaza mu matora y’Umukuru w’Igihugu yabaye ku wa 27 Ukuboza 2020. Ku ruhande rwe ahakana guhungabanya umutekano w’igihugu ariko akemeza ko ashyigikiye inyeshyamba.

Izi nyeshamba zari zifite umugambi wo kuburizamo amatora ariko waburijwemo n’Ingabo z’Umuryango w’Abibumbye ziri kubungabunga umutekano muri iki gihugu.

Aya matora yatumye Bozizé yishora mu bikorwa byo guhungabanya umutekano w’igihugu, yegukanywe na Perezida Faustin-Archange Touadéra watsinze abandi bakandida 16 bari bahanganye akagira amajwi 53.92%.

François Bozizé yatangiye gukorwaho iperereza ashinjwa gushaka guhirika ubutegetsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .