Aba bana bavukiye mu bitaro bya Gisirikari bya Kamenge mu Murwa Mukuru Bujumbura.

Se w’aba bana, Hasssan Ndayishimiye yabwiye Ijwi rya Amerika ko na nyina ubabyara bameze neza ariko asaba Leta kumugoboka kugira ngo abo bana azashobore kubatunga cyane ko uyu muryango wari usanganywe abandi bana batatu.

Ati “mu byukuri twabyakiriye neza kandi dufite umunezero, turashimira Imana abantu bo kubitaro baradufashije kandi bakurikiranye umubyeyi neza.”

“Njye nta bushobozi mfite ahubwo nagira ngo nsabe abantu bazamfashe mbone aho kuba n’abo bana no kubona uko abo bana bazabaho kuko njye ntishoboye.”

Uyu mugabo yavuze ko mbere y’uko umugore we abyara abaganga bari barabateguje ko bazibaruka abana batandatu.