Burundi: Umunsi wa mbere wo gusuzuma Coronavirus muri rusange wabonetseho abarwayi 28

Yanditswe na IGIHE
Kuya 8 Nyakanga 2020 saa 08:57
Yasuwe :
0 0

Minisiteri y’Ubuzima mu Burundi yatangaje ko ibipimo byafashwe mu buryo bwo kurobanura abantu mu Murwa Mukuru Bujumbura, byerekanye ko icyorezo cya COVID-19 gishobora kuba gifitwe n’abantu benshi, kuko habonetse 28.

Guverinoma y’u Burundi guhera ku wa Mbere yatangiye gusuzuma muri rusange icyorezo cya Coronavirus, nyuma y’igihe icyo gihugu kinengwa mu ruhando mpuzamahanga kudaha agaciro no kudashyiraho ingamba zihashya icyo cyorezo.

Mu butumwa Minisiteri y’Ubuzima yanyujije kiri Twitter kuri uyu wa Gatatu, yatangaje ko “mu bipimo 670 byafashwe ku wa 6 Nyakanga 2020 birimo 640 byafashwe kuri site eshatu zo gupimiraho muri @MairieBuja na & 30 byafashwe mu bitaro bya leta n’ibyigenga, ibipimo 28 byagaragaje ubwandu bwa #COVIDー19 & 642 byo nta bwandu byagaragaje.”

Ni ibisubizo byavuye mu bizamini byafashwe ku munsi wa mbere nk’uko byemejwe n’Umuvugizi wa Minisiteri y’Ubuzima Rusange no Kurwanya Sida, Dr Jean Bosco Girukwishaka. Yatangaje ko gukurikirana abagaragaye ko banduye kimwe no gushakisha abahuye nabo byahise bitangira.

Ku wa 6 Nyakanga nabwo iyi minisiteri yatangaje ko mu bipimo byafashwe hagati ya tariki 1 - 4 Nyakanga, abantu 20 basanzwemo Coronavirus. Ubu abamaze kwandura barenga 200.

U Burundi bwongereye imbaraga mu gupima COVID-19, ndetse ku wa Kabiri Minisitiri w’Intebe, CPG Alain Guillaume Bunyoni yasuye hamwe mu hapimirwa iki cyorezo.

U Burundi bwongereye imbaraga mu gupima Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .