00:00:00 IGIHE NETWORK KN KINYARWANDA EN ENGLISH FR FRANCAIS

Burkina Faso yahambirije Manzi wari umuhuzabikorwa wa Loni

Yanditswe na IGIHE
Kuya 24 Ukuboza 2022 saa 08:55
Yasuwe :

Ubuyobozi bwa Burkina Faso bwahambirije Intumwa ya Loni muri icyo gihugu, Barbara Manzi, asabwa kuva mu gihugu gusa ntihatangwa impamvu z’uko kumwirukana.

Barbara Manzi ukomoka mu Butaliyani ni Umudipolomate ubimazemo, wakoze mu bihugu bitandukanye bya Afurika.

Umuvugizi wa Guverinoma ya Burkina Faso ntabwo yigeze asobanurira abanyamakuru impamvu y’uko kwirukanwa k’uyu mugore, gusa yavuze ko adakwiriye kuguma ku butaka bw’igihugu.

Burkina Faso ni kimwe mu bihugu bikennye ku Isi kandi kimaze igihe kirimo amakimbirane n’imvururu zatewe n’imitwe y’iterabwoba irimo ISIS na Al Qaeda imaze kwica ibihumbi by’abaturage abandi bava mu byabo.

Umwaka ushize nibwo Manzi yari yahawe inshingano zo kuba umuhuzabikorwa wa gahunda za Loni muri Burkina Faso.

Barbara Manzi wari umuhuzabikorwa wa Loni muri Burkina Faso yirukanywe ku butaka bw'iki gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .