Burkina Faso: Ishyaka ryahagaritswe kuko ryasabye Perezida kwegura

Yanditswe na Bukuru JC
Kuya 14 Ugushyingo 2019 saa 06:13
Yasuwe :
0 0

Ishyaka Front patriotique pour le Renouveau kuri uyu wa Gatatu ryahagaritswe amezi atatu nta bikorwa byaryo bigaragara muri Burkina Faso nyuma yo kuvuga ko Perezida Roch Marc Christian Kaboré na Guverinoma ye bakwiriye kwegura.

Minisitiri w’ubutegetsi bw’igihugu, Siméon Sawadogo yavuze ko iryo shyaka ryahagaritswe nyuma y’ibyatangajwe n’umuyobozi waryo Aristide Ouédraogo.

Yavuze ko ibyo yatangaje asaba Guverinoma na Perezida kwegura yabivuze mu buryo bwimakaza irondakarere n’irondamoko kandi bitemewe muri icyo gihugu.

Minisitiri Sawadogo yavuze ko ubusanzwe amashyaka atemerewe gukwirakwiza imvugo zishobora guteza imvururu muri rubanda.

Guhagarikwa bivuze ko iryo shyaka ritemerewe gukora inama cyangwa guterana mu gihe cy’amezi atatu.

Ntacyo iryo shyaka ryifuje gutangaza mu gihe ritaraterana ngo rigire umwanzuro ribifataho, nkuko Jeune Afrique yabitangaje.

Iryo shyaka riherutse gutangaza ko ibintu mu gihugu bitifashe neza haba mu bukungu, imibereho myiza y’abaturage n’umutekano ku buryo bigaragara ko Guverinoma nta bushobozi igifite bwo kuyobora.

Sawadogo tariki 11 Ugushyingo yavuze ko bo nk’ishyaka bifuza ko Perezida Christian Kaboré yegura kuko atakibashije kuyobora igihugu.

Iri shyaka ryahagaritswe rizira gusaba ko Perezida Roch Marc Christian Kaboré Guverinoma ye bakwiriye kwegura.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .