Abaturage baganiriye na Le Figaro, bavuze ko kurasana kumvikanye mu bigo bibiri bya gisirikare biherereye mu murwa mukuru, Ouagadougou, n’ibindi bibiri mu Majyaruguru.

Ibigo bya gisirikare byumvikanyemo urusaku rw’amasasu harimo icyitwa camp Sangoulé Lamizana na Camp Baba Sy byombi biherereye mu murwa mukuru.

Mu majyaruguru y’igihugu mu bigo bya gisirikare birimo icyitwa Kaya na Ouahigouya naho humvikanye kurasana.

Ntabwo haramenyekana icyateye urwo rusaku rw’amasasu ariko bibaye mu gihe hashize iminsi hari imyigaragambyo y’abaturage, bashinja ubuyobozi kunanirwa guhangana n’imitwe y’iterabwoba iteza umutekano muke guhera mu 2015.

Urusaku rw'amasasu rwumvikanye mu bigo bine bya gisirikare muri Burkina Faso