00:00:00 IGIHE NETWORK KN KINYARWANDA EN ENGLISH FR FRANCAIS

Burkina Faso: Abantu 16 baguye mu gitero cyagabwe ku birindiro by’ingabo

Yanditswe na Umwali Zhuri
Kuya 9 April 2022 saa 08:57
Yasuwe :

Nibura abasirikare 12 n’abandi bashinzwe umutekano bane biciwe mu gitero cyagabwe ku ngabo mu Karere ka Sanmatenga muri Burkina Faso.

Iki gitero cyagabwe ku wa Gatanu mu Majyaruguru y’igihugu, cyasize abasirikare barenga 20 bakomeretse.

Ubufasha bwahise butangwa kugira ngo bujye gutanga umusanzu mu kigo cya gisirikare cya Namissiguima aho bivugwa ko hari umubare munini w’abakomeretse.

Ntabwo uwagabye iki gitero aramenyekana nubwo muri ako gace hashize imyaka myinshi imitwe ya al-Qaeda na ISIS ishaka kuhigabiza kugira ngo igenzure umupaka utandukanya Burkina Faso, Mali na Niger.

Abaturage ibihumbi bamaze kuburira ubuzima bwabo muri ibyo bikorwa by’iyo mitwe mu gihe abarenga miliyoni ebyiri bo bamaze kuva mu byabo muri utwo duce two muri Sahel, mu majyepfo y’ubutayu bwa Sahara. Muri Werurwe, bibarwa ko abantu 30 barimo abasirikare 13 bishwe mu bitero bitatu bitandukanye mu Majyaruguru y’iki gihugu.

Abantu 16 barimo abasirikare 12 nibo bivugwa ko baguye muri iki gitero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .