00:00:00 IGIHE NETWORK KN KINYARWANDA EN ENGLISH FR FRANCAIS

Bunagana: Abarenga ibihumbi 30 bavuye mu byabo kubera imirwano ya M23 na FARDC

Yanditswe na IGIHE
Kuya 14 June 2022 saa 09:43
Yasuwe :

Umuryango w’Abibumbye watangaje ko abarenga 30.000 bavuye mu byabo bahunga imirwano hagati y’ingabo za leta ya Repubulika Iharanira Demokarasi ya Congo, FARDC, n’abarwanyi ba M23 yabereye i Bunagana no mu nkengero zayo muri Teritwari ya Rutshuru mu Ntara ya Kivu ya Ruguru.

Buri ruhande rushinja urundi ko ari rwo rwatangije iyi mirwano yatumye abaturage barenga 5,000 bahunga Bunagana n’inkengero zayo bakerekaza muri Uganda, nk’uko Loni ibivuga.

Croix Rouge ya Uganda ivuga ko hakenewe ubufasha butandukanye ku bahunze imirwano yo ku Cyumweru.

Abandi barenga 25,000 nabo bavuye mu byabo ku cyumweru bajya ku mashuri n’insengero z’i Rwanguba, Kabindi na Kinoni muri teritwari ya Rutshuru.

Mu ijoro ryo ku Cyumweru Umuvugizi wa M23 yabwiye BBC ko muri iriya mirwano bishe abasirikare benshi ba FARDC abandi bagahunga basize intwaro zabo.

Kugeza ubu Umujyi wa Bunagana n’umupaka uherereye muri aka gace uhuza RDC na Uganda uragenzurwa na M23.

Muri Bunagana abarenga ibihumbi 30 bavuye mu byabo kubera imirwano ya M23 na FARDC
Ahaherereye Umupaka wa Bunagana wafashwe na M23

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .