Bobi Wine yatawe muri yombi ari kwiyamamaza

Yanditswe na Bukuru JC
Kuya 18 Ugushyingo 2020 saa 11:50
Yasuwe :
0 0

Bobi Wine utagisiba gutabwa muri yombi, yongeye gufatwa n’inzego z’umutekano ubwo yari yaramukiye mu bikorwa byo kwiyamamariza kuba Perezida wa Uganda mu matora ateganyijwe mu mwaka utaha.

Uyu mugabo yafatiwe mu Karere ka Luuka n’Ishami rya Polisi rishinzwe kurwanya iterabwoba. Abapolisi bamusohoye mu modoka ye bamushushubikana, bamwinjiza mu yabo baramutwara.

Ashinjwa ko yahurije hamwe abantu barenga 200 mu bikorwa byo kwiyamamaza, mu gihe ibikorwa byo gushaka amajwi bikorerwa cyane mu itangazamakuru mu kwirinda ikwirakwira rya COVID-19, aho abakandida bose bageza imigabo n’imigambi yabo ku baturage bifashishije imiyoboro itandukanye.

Hari hashize iminsi Bobi Wine yiyamamariza ahantu hari ibihumbi byinshi by’abaturage, nta ngamba n’imwe yo kwirinda icyorezo cya Coronavirus yubahirijwe. Gusa abamushyigikiye nabo bikomye Polisi bayishinja kubogama, kuko na Museveni hari aho yagaragaye ashagawe n’ibihumbi n’ibihumbi by’abamushyigikiye.

Si ubwa mbere Bobi Wine atawe muri yombi kuko kuva mu 2017 ubwo yatangiraga kwinjira muri politiki mu buryo bweruye, ni gake asiba muri gereza. Arafatwa hashira iminsi mike akarekurwa.

N’umunsi yari amaze gutanga kandidatire ye, polisi yaramufashe, iramushorera imugeza mu rugo rwe.

Bobi Wine yatwawe na Polisi ashinjwa kurenga ku mabwiriza yo kwirinda Coronavirus
Uyu mugabo ntagisiba guhangana n'inzego z'umutekano
Abayoboke ba Museveni nabo bamaze iminsi bagaragara ari benshi barenze 200 batanubahirije ingamba zo kwirinda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .