00:00:00 IGIHE NETWORK KN KINYARWANDA EN ENGLISH FR FRANCAIS

Bill Clinton anenga uburyo HRW yibasira u Rwanda

Yanditswe na

James Habimana

Kuya 13 Kanama 2013 saa 03:58
Yasuwe :

Nyuma y’urugendo ku mugabane w’Afurika aho yasuye bimwe mu bikorwa ahafite, mu kiganiro n’umunyamakuru wa BBC, ageze muri Zanzibar, uwahoze ari Perezida wa Leta Zunze Ubumwe z’Amerika Bill Clinton yavuze ku bibazo bitandukanye, aho yamubwiye ko mu muryango wa Human Rights Watch wita ku burenganzira bwa muntu, hari abakoreramo birengagiza ibyo u Rwanda rumaze kugeraho.
Umunyamakuru wa BBC Komla Dumor yabajije Clinton ibibazo byinshi ku Rwanda na Human Right Watch. Yagize ati “Ko u Rwanda rurimo (...)

Nyuma y’urugendo ku mugabane w’Afurika aho yasuye bimwe mu bikorwa ahafite, mu kiganiro n’umunyamakuru wa BBC, ageze muri Zanzibar, uwahoze ari Perezida wa Leta Zunze Ubumwe z’Amerika Bill Clinton yavuze ku bibazo bitandukanye, aho yamubwiye ko mu muryango wa Human Rights Watch wita ku burenganzira bwa muntu, hari abakoreramo birengagiza ibyo u Rwanda rumaze kugeraho.

Umunyamakuru wa BBC Komla Dumor yabajije Clinton ibibazo byinshi ku Rwanda na Human Right Watch. Yagize ati “Ko u Rwanda rurimo gushinjwa na Human rights gufasha umutwe wa M23 mu Burasirazuba bwa Congo, kandi mwe mukaba muri inshuti ikomeye y’u Rwanda, mubivugaho iki?"

Clinton yamusubije agira ati "Icya mbere, Ibi birego ntabwo byari biciye mu mucyo. Icya kabiri, Kuba Uburasirazuba bwa Congo hakirimo abasize bakoze Jenoside mu Rwanda, biteye inkeke iki gihugu; Perezida Kagame yabasabye ko batahuka ntibashyirwe muri gereza ariko baranze, ntimugomba kwirengagiza uburyo ubukungu bw’u Rwanda bwazamutse ku buryo butangaje, kandi byose bikozwe n’uyu muperezida. Ikindi, mumenye ko we yivugiye ko mu gihe manda ye izaba irangiye, azahita ava ku butegetsi."

Yakomeje agira ati "Nzi neza ko hari abantu bakora muri Human Rights Watch bahora bavuga ko ibyiza byakozwe mu Rwanda, bigomba guteshwa agaciro n’ibyo barimo kurega iki gihugu mu Burasirazuba bwa Congo."

Aha Clinton we akaba abibona nk’ibintu bidafite gihamya. Bill Clinton avuga ko we yishimye kuba akomeje gufasha u Rwanda mu buryo ubwo aribwo bwose butandukanye.

Ikindi kibazo Clinton yagombaga gusubiza uyu munyamakuru, ni icy’uko Abanyafurika bashinja Perezida Barack Obama kuba politike ye muri Afurika itanoze. Yaramubabije ati "Ubona Afurika ari iki izibukira kuri Obama? Politiki y’uyu muperezida yakunzwe kunengwa muri Afurika, ubona Obama azasiga amateka meza kuri Afurika nka Bush ufite umushinga wa PEPFAR ugamije kurinda ubwandu bwa SIDA kuri uyu mugabane, cyangwa Clinton ufite umushinga nka AGOA ugamije iterambere ry’Afurika?"

Mu kumusubiza iki kibazo, Clinton yagize ati "Ndatekereza ko afite umugambi mwiza kuri Afurika, twibuke ko mu gihe yajyaga ku butegetsi, ubukungu bwari bugeze aharindimuka, yagombaga kurangiza intambara muri Iraq no gushaka uko yarangiza imvururu zari muri Afghanistan."

Ku kibazo kijyanye n’uko Ubushinwa bukomeje kuba igihangage muri Afurika aho mu mwaka wa 2009 na 2010, bwashoye akayabo ka miliyari 110 z’amadolari y’Amerika, urubuga sharpedgenews.com rwanditse ko Clinton yavugze ko ibi nta kibazo kirimo, kuko Amerika nayo ifite imishinga nka PEPFAR ugamije kurwanya icyorezo cya SIDA, USAID mu iterambere ry’Afurika n’umuherwe Bill Gate ufite umushinga we muri Afurika, bityo kubaka ubuzima n’ibikorwa remezo bikaba ngo bijyana.

Yagize ati “Sintekereza ko Afurika idashima ibyo dukora bijyanye no gufasha abana babo kugira ubuzima bwiza, n’ibyo Abashinwa bakora bubaka ibikorwa remezo, ibi ni ukubaka amerekezo y’Afurika, yaba Ubushinwa cyangwa Amerika twese tubifitemo uruhare rungana."

Mu kumenya niba yaba azi neza ko umugore we, Hillary Clinton ashobora kuzahatanira kuyobora Amerika, Clinton yasubije ko atarabimenya.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .