Nibwo bwa mbere muri Kenya habonetse umubare muto w’abakandida bahatanira umwanya w’Umukuru w’Igihugu kuva hakwimakazwa politiki y’amashyaka menshi mu ntangiriro za 1990.

Komisiyo y’Amatora yatangaje ko bane ari bo bujuje ibisabwa muri 17 bari kuri lisiti ya nyuma y’abifuza kwiyamamariza uyu mwanya.

Usibye Ruto na Odinga, abandi bakandida bahataniye uwo mwanya mu matora azaba ku wa 9 Kanama, barimo abanyamategeko David Mwaure na George Wajackoyah.

Nibura abantu 50 nibo bari baratangaje ko bazahatanira umwanya w’Umukuru w’Igihugu bakavamo uzasimbura Uhuru Kenyatta usoje manda ze ebyiri z’imyaka itanu, itanu.

Uyu mwaka, Ruto na Odinga nibo bahabwa amahirwe yo kuba babonekamo umwe utsinda amatora.

Odinga ni umwe mu bahabwa amahirwe muri aya matora

David Mwaure yizeye intsinzi muri aya matora abura amezi abiri

Umunyamategeko George Wajackoyah yemejwe mu baziyamamaza

William Ruto wari Visi Perezida arifuza kuba Perezida