Angola: Abadepite bemeje ko amafaranga yakoreshwaga ku butegetsi bwa dos Santos ateshwa agaciro

Yanditswe na Habimana James
Kuya 22 Ukuboza 2019 saa 07:47
Yasuwe :
0 0

Abedepite mu Nteko Ishinga Amategeko ya Angola, ku bwiganze batoye ko amafaranga y’inote yakoreshwaga ku butegetsi bwa José Eduardo dos Santos ateshwa agaciro, ibi bikazatangira kubahirizwa mu 2020.

Iri tegeko ryashyigikiwe n’abari mu ishyaka riri ku butegetsi rya (MPLA) riyobowe na Perezida João Lourenço.

Itegeko ryatowe tariki 19 Ukuboza aho abadepite 128 bemeje iki cyemezo naho 51 barifata.

Ikinyamakuru Jeune Afrique cyatangaje ko amafaranga mashya azatangwa mu 2020 na Banki Nkuru y’Igihugu, akazaba agaragaraho Perezida wa mbere w’iki gihugu, Agostinho Neto. Uyu yayoboye Angola kuva mu 1975 kugeza mu 1979.

José Eduardo dos Santos yavuye ku butegetsi mu 2018 nyuma yo kumara imyaka 38 ari umukuru w’igihugu. Abakurikirana politike y’iki gihuhu bavuga ko ubukungu bwose bwari bwaragiye mu maboko y’umuryango we.

Uwamusimbuye, João Lourenço yirukanye abari bashyigikiye Santos mu butegetsi, mu bigo bya leta no mu nzego z’umutekano, avuga ko ari ukurwanya ruswa.

Hagati aho umuhungu wa Dos Santos, José Filomeno dos Santos, akaba yari anashinzwe ikigega cy’ishoramari cya leta, tariki 9 uku Kwezi yitabye ubutabera aho ashinjwa kunyereza amafaranga ya leta agera kuri miliyoni 500 z’amadorali ya Amerika.

Kugeza ubu umuryango wa dos Santos wamaganye iki cyemezo cya leta, uvuga ko ari ukuwibasira ku mpamvu za Politiki.

Abedepite mu Nteko Ishinga Amategeko ya Angola, ku bwiganze batoye ko amafaranga y’inote yakoreshwaga ku butegetsi bwa José Eduardo dos Santos ateshwa agaciro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .