Amerika igiye gushyiraho Ambasaderi muri Sudan nyuma y’imyaka 23

Yanditswe na Bukuru JC
Kuya 5 Ukuboza 2019 saa 09:46
Yasuwe :
0 0

Leta Zunze Ubumwe za Amerika kuri uyu wa Gatatu zatangaje ko zigiye gushyiraho ambasaderi wazo muri Sudan, akaba ari uwa mbere mu myaka 23 ishize.

Iki gihugu giteye iyi ntambwe nk’ikimenyetso cyo kwishimira amavugurura arimo gukorwa n’umuyobozi w’umusivili muri Sudan, Minisitiri w’Intebe, Abdalla Hamdok.

Zishima ko Hamdok yasenye politiki n’imigirire y’ingoma y’igitugu yamubanjirije yari iyobowe na Omar al Bashir, yashinjwaga gukorana n’abahezanguni ba kiyisilamu.

Umunyamabanga wa leta ushinzwe ububanyi n’amahanga, Mike Pompeo, yatangaje ko Amerika izashyiraho ambasaderi i Khartoum, ndetse na Sudan igakomorerwa ikagira uyihagarariye uhoraho i Washington.

Pompeo yanditse kuri Twitter ati “Iyi ni intambwe y’amateka yo guha imbaraga umubano wacu”.

Minisitiri w’Intebe Hamdok yagaragaje umuhate wo kugarura amahoro mu gihugu binyuze mu biganiro n’imitwe yitwaje intwaro, gushyiraho komisiyo y’iperereza ku ihohoterwa ryakorewe abigaragambya ndetse no kwimakaza demokarasi.

Pompeo yashimye intambwe imaze guterwa mu mubano wa Sudan na Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza