Amerika yakemanze imigendekera myiza y’amatora ya Perezida muri Tanzania

Yanditswe na IGIHE
Kuya 30 Ukwakira 2020 saa 08:42
Yasuwe :
0 0

Ambasade ya Leta Zunze Ubumwe za Amerika muri Tanzania, yatangaje ko iki gihugu gifite ‘ugushidikanya gukomeye’ ku migendekere y’amatora y’Umukuru w’Igihugu amaze iminsi mike abaye.

Amatora y’Umukuru w’Igihugu muri Tanzania yabaye ku wa 28 Ukwakira ndetse ibyavuye mu ibarura by’agateganyo byerekana ko Dr John Pombe Magufuli ari we uzongera kuyobora iki gihugu muri manda ye ya kabiri.

Nubwo indorerezi zemeza ko aya matora yabaye mu mucyo, bamwe barimo n’umukandida w’ishyaka Chadema Tundu Lissu bagaragaje ko bakemanga ibyayavuyemo bitewe n’amanyanga yayagaragayemo.

Mu itangazo Ambasade ya Amerika muri iki gihugu yasohoye ku wa kane nayo yavuze ko “hari ibirego bifite ireme byerekana ko aya matora yabayemo amanyanga ndetse no kubangamira abatora.”

Muri iri tangazo Amerika ivuga ko aya matora yagaragayemo ikibazo cy’abantu batora inshuro nyinshi,impapuro z’itora zagaragaye zatoreweho mbere y’uko amatora atangira, gufunga abakandida no guhagarika imbuga nkoranyambaga.

Amerika ivuga ko ishingiye kuri ibi n’ikinyuranyo kiri hagati y’amajwi y’abakandida bigaragara ko aya matora atabaye mu mucyo.

Ati “Ibi bibazo ndetse n’ikinyuranyo kiri hejuru mu ntsinzi bituma habaho gushidikanya gukomeye k’ukuri kw’ibyavuye mu matora.”

Ibiro Ntaramakuru by’Abafaransa AFP bivuga ko mu majwi amaze kubarurwa yerekana ko Perezida Magufuli yegukanye intsinzi ku majwi 85%.

Ishyaka rya Chama Cha Mapinduzi, CCM ari naryo Perezida Magufuli aturukamo niryo riri ku butegetsi kuva mu 1977.

Amerika yagaragaje ko ishidikanya ku migendekere myiza y'amatora y'umukuru w'igihugu muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .