Amerika yafatiye ibihano uwari Intumwa Nkuru ya Leta ya Kenya

Yanditswe na IGIHE
Kuya 19 Ugushyingo 2019 saa 11:48
Yasuwe :
0 0

Leta zunze Ubumwe za Amerika kuri uyu wa Mbere zafatiye ibihano uwahoze ari Intumwa Nkuru ya Leta ya Kenya, Amos Sitswila Wako, ushinjwa kugira uruhare muri ruswa.

Itangazo ry’Umunyamabanga wa Leta, Mike Pompeo, rivuga ko Wako atemerewe kwinjira muri Leta zunze Ubumwe za Amerika, kimwe n’umugore n’umuhungu we.

Amerika inenga Wako kuba inshuro nyinshi ubwo yari Intumwa Nkuru ya Leta hagati ya 1991 kugeza 2011, ntacyo yakoze gifatika ngo ahangane n’ikibazo cya ruswa cyangwa ngo ahane abayivugwagamo.

Mu 2009, Amerika yari yamufatiye ibihano byo kutajya muri icyo gihugu imushinja ko kubangamira gahunda zo kurwanya ruswa muri Kenya. Gusa Wako we ahakana ibyo ashinjwa.

Nyuma yo kuba Intumwa Nkuru ya Leta, Wako yatorewe kuba umusenateri mu 2013, yongera gutorerwa indi manda mu 2017.

Wako yafatiwe ibihano hagendewe ku ngingo ibuza abayobozi bo mu bihugu by’amahanga bijanditse muri ruswa kwinjira muri Leta zunze Ubumwe za Amerika, ndetse n’imiryango yabo.

Wako yafatiwe ibihano byo kutajya muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza