Amadou Toumani Touré wahoze ayobora Mali yapfuye

Yanditswe na IGIHE
Kuya 10 Ugushyingo 2020 saa 10:28
Yasuwe :
0 0

Amadou Toumani Touré wahoze ari Perezida wa Mali yapfuye kuri uyu wa Kabiri afite imyaka 72.

Jeuneafrique yatangaje ko Amadou Toumani Touré wahiritswe ku butegetsi mu 2012, yaguye muri Turikiya aho yari yagiye kwivuriza.

Biravugwa ko uyu mugabo yapfuye nyuma y’iminsi abazwe umutima mu mujyi wa Bamako ari naho yavanywe ajyanywe muri Turikiya.

Nyuma yo guhirikwa ku butegetsi, Amadou Toumani Touré yabaye mu buhungiro muri Sénégal. Yasubiye mu gihugu cye mu Ukuboza 2019.

Amadou Toumani Touré yavutse mu 1948, avukira ahitwa Mopti muri Mali. Mu 1991 ni umwe mu basirikare bahiritse ku butegetsi bwa Moussa Traoré. Touré wari ufite ipeti rya lieutenant-colonel yagizwe umuyobozi w’agatsiko kari kahiritse ubutegetsi, agirwa na Perezida w’inzibacyuho.

Mu 1992 Alpha Oumar Konaré yatorewe kuba Perezida, Touré agirwa Général. Mu mwaka wa 2002 nibwo yatorewe kuyobora Mali. Yatorewe manda ya kabiri mu 2007 gusa aza guhirikwa atarangije manda ya kabiri, ahirikwa n’gatsiko k’abasirikare bari bayobowe na Amadou Haya Sanogo.

Amadou Toumani Touré yaguye mu bitaro muri Turikiya (Photo: AFP)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .