00:00:00 IGIHE NETWORK KN KINYARWANDA EN ENGLISH FR FRANCAIS

Algeria igiye gufungura imipaka iyihuza na Tunisia nyuma y’imyaka ibiri ifunze

Yanditswe na Yvette Balinda
Kuya 7 July 2022 saa 02:41
Yasuwe :

Algeria yatangaje ko muri Nyakanga 2022 izafungura imipaka iyihuza na Tunisia nyuma y’imyaka ibiri ifunzwe kubera Covid-19.

Ibi bikaba byatangajwe na Perezida wa Algeria, Abdelmadjid Tebboune kuwa Kabiri ubwo yasezeraga kuri mugenzi we Perezida wa Tunisia, Kais Saied wari witabiriye ibirori byo kwizihiza imyaka 60 Algeria imaze ibonye ubwigenge.

Perezida wa Algeria Abdelmadjid Tebboune yavuze ko imipaka izafungurwa guhera itariki ya 15 Nyakanga.

Kugeza ubu imipaka ihuza ibihugu byombi yakoreshwaga n’ imodoka zitwara ibicuruza gusa nyuma yo gufungwa guhera muri Werurwe 2020, mu rwego rwo gukumira ikwirakwizwa ry’icyorezo cya covid-19.

Kubera ifungwa ry’iyi mipaka, ubukerarugendo bwa Tunisia bwarazahaye bitewe n’uko abasura iki gihugu benshi baba bavuye muri Algeria, cyane cyane mu gihe cy’ impeshyi.

Bivugwa ko mbere y’ icyorezo cya covid-19, abaturage ba Algeria barenga miliyoni eshatu batembereraga mu gihugu cya Tunisia buri mwaka, inzira zo mu mazi no mu kirere zihuza ibihugu byombi zafunguwe muri Kamena 2021.

Algeria ikunze gusurwa cyane n'abakerarugendo bavuye muri Tunisia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .