Akon yatangaje ko umujyi wamwitiriwe uzatangira kubakwa umwaka utaha

Yanditswe na Ndahayo Emmanuel
Kuya 2 Nzeri 2020 saa 07:49
Yasuwe :
0 0

Kuva muri 2018, Akon, umwe mu bahanzi bakomeye mu njyana ya R&B, yatangaje ko afite gahunda zo kubaka umwe mu mijyi igezweho ku Isi, akawushyira ku butaka bwa Afurika.

Uyu mugabo yatangaje ko ari umujyi uzaturwamo, ugacururizwamo, ukabamo amwe mu mashuri na kaminuza nziza ku mugabane ndetse ukazaba wubatse mu buryo bw’ikoranabuhanga, aho abawutuye bazaba bashobora gukora ibintu hafi ya byose bifashishije ikoranabuhanga.

Ni umushinga abantu benshi bafashe nk’ibihuha no kwigerereza, kuko usibye na Akon, usanzwe witwa Alioune Badara Thiam, na leta zisanzwe zigorwa no kubaka imijyi nk’iyi.

Ibyari inzozi ariko bishobora kuba bigiye kuba impamo, kuko Akon yamaze gutangaza ko imirimo yo kubaka uyu mujyi w’akataraboneka izatangira umwaka utaha.

Ni umujyi uzubakwa muri Senegal, igihugu uyu mugabo afitemo amamoko.

Akon avuga ko uyu mujyi uzubakwa na miliyari 6$, kimwe cya gatatu cyayo kikaba cyaramaze kuboneka. Abarenga 300 000 bazatura muri uyu mujyi numara kuzura.

Akon yavuze ko igitekerezo cyo kubaka uyu mujyi yagikomoye ku gushaka kwigisha abirabura baba hanze ya Afurika amateka y’umugabane ‘bafitanye isano’, kuko ngo hari benshi yahuye na bo ariko agasanga batazi byinshi ku muco wa Afurika kandi ari abirabura.

Avuga ko yawushyize muri Senegal, ‘kuko yifuza ko buri wese washaka gusura Afurika azahera muri Senegal’.

Uyu mujyi uzaba witwa ‘Akon City’.

Hussein Bakri ni we wakoze igishushanyo cy'uyu mujyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .