Akanama k’abaminisitiri ka EAC kemeje ingengo y’imari ya miliyoni $97.6

Yanditswe na IGIHE
Kuya 8 Kanama 2020 saa 09:02
Yasuwe :
0 0

Inama idasanzwe ya 41 y’Akanama k’abaminisitiri ka EAC, kemeje ingengo y’imari y’uyu muryango ingana na miliyoni $97.6 zizagabanywa inzego eshatu n’ibigo biwushamikiyeho muri uyu mwaka watangiye kuwa 1 Nyakanga 2020, ukazageza kuwa 30 Kamena 2021.

Muri iyi ngengo y’imari, miliyoni $55.6 zizaturuka mu bihugu binyamuryango bya EAC, naho abafatanyabikorwa mu iterambere batange miliyoni $41.9.

Aka kanama kandi kemeje ingengo y’imari ya 2020/21 y’Ikigo gishinzwe umutekano w’indege za gisivili (CASSOA), ingana na miliyoni $2.7 aziyongera ku musanzu w’ibihugu, aho buri kimwe kizatanga ibihumbi 458,910 binyuze mu kigo gishinzwe indege za gisivili.

Umuyobozi w’akanama k’abaminisitiri ka EAC, Dr Vincent Biruta, akaba na Minisitiri w’Ububanyi n’Amahanga w’u Rwanda, yavuze ko igihe icyo ari cyose muri uku kwezi iyi ngengo y’imari izagezwa ku nteko ishinga amategeko ya EAC (EALA) kugira ngo iganirweho, inemezwe.

Ibikorwa bizibandwaho birimo guhuza imipaka no guteza imbere ubucuruzi muri EAC no hanze yayo, guteza imbere ibikorwa remezo, koroshya urujya n’uruza no guteza imbere ubufatanye, guteza imbere inganda zo mu karere, kongera umusaruro w’ubuhinzi no kuwongerera agaciro, guteza imbere amahoro, umutekano, imiyoborere myiza no kuvugurura inzego yaba ku rwego rw’akarere n’urw’ibihugu.

Akanama k'Abaminisitiri ka EAC kateranye muri iki cyumweru mu buryo bw'ikoranabuhanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .