Mu gihe nta cyaba gikozwe, Afurika yaba ibura abaganga miliyoni 6.1 bitarenze mu 2030, ugereranyije n’abo izaba ikeneye, ingingo yaba iteye ubwoba cyane cyane nko mu gihe uyu Mugabane wakwibasirwa n’ibyorezo bikomeye.

Ubushobozi buke bwo kwigisha abaganga ni imwe mu ngingo ituma uyu Mugabane utabasha kubona umubare w’abaganga ukeneye, uretse ko hari n’ibindi bibazo byinshi.

No mu gihe abaganga babonetse, uburyo bitabwaho ni ikibazo gituma benshi bava muri uyu mwuga bakajya mu yindi myuga yishyura neza, cyangwa ifite uburyo bwo gufasha abayikora kubona amahirwe menshi.

Hari kandi ikibazo cy’ibihugu bikize nabyo bifite umubare muto w’abaganga, bityo bigakoresha abaturage mu bihugu bikennye birimo n’ibyo muri Afurika, ibi byose bikarushaho gutuma uyu Mugabane ugira ikibazo cyo kubona abaganga bakwiriye.

Umubare w'abaganga muri Afurika ntabwo wiyongera ku rwego ruba rukenewe