Afurika yagabanyije kugwingira ku gipimo cya 8% mu myaka 20

Yanditswe na Bukuru JC
Kuya 10 Gashyantare 2020 saa 12:26
Yasuwe :
0 0

Ibihugu bya Afurika bimaze gutera intambwe ifatika mu kurandura imirire mibi no kugwingira ariko haracyari byinshi byo gukora kugira ngo bigera ku ntego yo kuba byaranduye ibi bibazo mu 2025.

Ubu butumwa bwagarutsweho mu nama yiga ku mirire mibi no kugwingira yabereye iruhande rw’inama ya 33 isanzwe y’Umuryango wa Afurika yunze Ubumwe (AU), yaberaga i Addis Ababa muri Ethiopia.

Iyi nama yitabiriwe n’abakuru b’ibihugu barimo uwa Madagascar, Côte d’Ivoire na Sierra Leone, ba Minisitiri bashinzwe ubuzima na Perezida wa Banki Nyafurika Itsura Amajyambere, Dr Akinwumi Adesina.

Perezida wa Côte d’Ivoire, Alassane Ouattara, yavuze ko abayobozi bagomba kumva ko hari izindi ntambwe zo gutera. Ati “Nasabye AU kwibanda ku kurwanya imirire mibi nk’insanganyamatsiko ya 2021”.

Kugwingira kwagabanyutse 8% muri Afurika kuva mu 2000, akaba ari intambwe yerekeza ku ntego za Loni za 2025. Ibihugu bya Afurika kandi byerekanye imbaraga zikomeye mu kugera ku ntego ya 50%, y’abana bonka amezi atandatu ya mbere y’ubuzima bwabo.

Izindi ntego ni ukurwanya umubyibuho ukabije, kugabanya ikibazo cy’indwara ya anemia iterwa no kubura uturemangingo dutukura mu maraso, kugabanya umubare w’abana bavukana ibilo bike ndetse no kugabanya kwiyahura.

Perezida wa Banki Nyafurika, Dr Akinwumi Adesina, ashimangira ko nta rwitwazo umugabane wa Afurika ufite rwo kugira abana bari mu mirire mibi no kugwingira.

Ati “Dufite 65% by’ubutaka bw’Isi yose budahinze kandi bwera. Dufite amazi meza ku bwinshi ndetse hafi iminsi 300 ku mwaka hava izuba. Nta mpamvu buri wese afite yo kugira inzara”.

Perezida wa Madagascar, Andry Rajoelina, yavuze ko umugabane wa Afurika ushobora gutsinda urugamba rwo kurwanya inzara, asaba ibihugu byose gukomeza gukora cyane kugira ngo birandure inzara n’imirire mibi.

Afurika ifite intego yo kurandura imirire mibi mu 2025

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .