00:00:00 IGIHE NETWORK KN KINYARWANDA EN ENGLISH FR FRANCAIS

Afurika y’Epfo yavanyeho amabwiriza asaba uwahuye n’uwanduye COVID-19 kwishyira mu kato

Yanditswe na IGIHE
Kuya 29 Ukuboza 2021 saa 03:38
Yasuwe :

Guverinoma ya Afurika y’Epfo, yavuguruye amabwiriza yo kwirinda ikwirakwira rya COVID-19, havanwaho iminsi umuntu wahuye n’uwanduye iki cyorezo yamaraga mu kato.

Ni amabwiriza mashya yashyizweho na guverinoma ku wa 28 Ukuboza 2021.

Mu cyumweru gishize, Minisitiri y’Ubuzima yari yatangaje ko umuntu wahuye n’uwanduye COVID-19, atazongera kwishyira mu kato ariko, agomba kuba aretse kujya ahahurira abantu benshi nibura mu gihe cy’iminsi iri hagati y’itanu n’irindwi kugira ngo habanze hagenzurwe niba atagaragaza ibimenyetso.

Ikindi kandi umuntu watangiye kugaragaza ibimenyetso we yasabwaga kwikingiza COVID-19 ndetse yaba afite ibimenyetso bigaragaza ko ari COVID-19, agasabwa kumara iminsi iri hagati y’umunani na 10 ari mu kato.

Amabwiriza mashya ya Ministeri y’Ubuzima muri iki gihugu yavanyeho uko kwishyira mu kato nk’uko byatangajwe na Reuters.

Muri iki gihugu umubare w’abandura n’abaremba bakajyanwa mu bitaro ukomeje kwiyongera. Ni mu gihe abaturage benshi bamaze guhabwa dose imwe y’urukingo.

Muri iki gihugu abamaze kwandura COVID-19 barenga miliyoni 3,42 mu gihe abo imaze guhitana barenga 90.854.

Imibare y’abandura n’abahitanwa na COVID-19, muri iki gihugu yongeye gutumbagira ubwo byavugwaga ko hagaragaye virusi yihinduranya ya Omicron.

Raporo y’inzego zishinzwe ubuzima muri iki gihugu ariko igaragaza ko muri iki cyumweru abandura batangiye kugabanyuka aho bageze kuri 7 216 mu masaha 24 mu gihe abo abapfa bageze kuri 25.

Afurika y’Epfo yavanyeho amabwiriza asaba uwahuye n’uwanduye COVID-19 kwishyira mu kato

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .