Afurika y’Epfo: Gushyingura abahitanywe na Covid-19 byatangiye kuba ihurizo

Yanditswe na Mukahirwa Diane
Kuya 5 Mutarama 2021 saa 04:35
Yasuwe :
0 0

Kubera ubwiyongere bw’abahitanwa na Covid-19, byatangiye kuba ikibazo gushyingura abishwe nayo muri Afurika y’Epfo.

Kuri ubu abafite amarimbi batangaje ko hari igitutu cy’uko batagifite uburyo bworoshye bwo gushyingura abantu bahitanwa na Covid-19, kubera ko umubare w’abahitanwa nayo ukomeje kuzamuka cyane.

Kuba basabwa kuguma ku marimbi kugira ngo bategereze imirambo bayishyingure bavuga ko bibateye inkeke ndetse n’ubwoba bwo kuba bashobora kuhandurira iki cyorezo.

Umuyobozi w’ishyiramwe ry’abashyingura muri Afurika y’Epfo, Muzi Hlengwa yazuve ko ibiri kubera ku marimbi birenze ukwemera.

Yagizi ati “Ibintu biri kubera aha ntabwo bisanzwe, nta n’aho nigeze mbibona. Ubu twese turahuze turi gushaka amasanduku ndetse n’umwanya w’imva byabuze kugira ngo iyi mirambo ishyingurwe.”

“Ubu twabuze imyanya yo gushyinguramo, ibintu birakomeye cyane. Turasaba abantu bakora amasanduku ko bakongera umubare w’ayo bakora kugira ngo imirambo ibone uko ishyingurwa.”

Yakomeje avuga ko ubu abakora umurimo wo gushyingura iyi mirambo bari gukora amasaha y’ikirenga kubera ko akazi kamaze kubabana kenshi cyane.

Ati “Ubusanzwe abantu bashyingurwaga ku manywa ariko ubu turi gukora na nijoro. Mbere twajyaga gukura imirambo mu buruhukiro bw’ibitaro ariko ubu ntibishoboka kuko nta mwanya uhari.”

Hlengwa yasabye Abanyafurika y’Epfo gukurikiza amabwiriza bahabwa yo kwirinda Covid-19.

Kugeza ubu muri Afurika y’Epfo hamaze kugaragara abantu bagera kuri basaga miliyoni 1.1 y’abanduye Covid-19, ikaba imaze guhitana abasaga ibihumbi 30.

Amasanduku n'aho gushyingura byatangiye kuba iyanga muri Afurika y'Epfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .