00:00:00 IGIHE NETWORK KN KINYARWANDA EN ENGLISH FR FRANCAIS

Afurika y’Epfo: Bariye karungu kubera kubazwa mu rurimi batazi mbere yo kugenda mu ndege

Yanditswe na IGIHE
Kuya 6 June 2022 saa 07:58
Yasuwe :

Abanyafurika y’Epfo binubiye Sosiyete y’indege Ryanair yo muri Ireland iherutse gutangiza ibazwa ku bantu bashaka gutega indege zayo muri icyo gihugu, bigakorwa mu rurimi ruzwi nka Afrikaans benshi batazi.

Mu ngendo ziva muri Afurika y’Epfo zerekeza mu Bwongereza, abagenzi bo muri Afurika y’Epfo mbere yo kwinjira mu ndege bahabwa urupapuro ruriho ibibazo bagomba gusubiza, mu gusuzuma ubumenyi bwabo muri Afrikaans.

Afurika y’Epfo ifite indimi zemewe 11 ariko benshi bavuga ko batazi Afrikaans kuko ari ururimi ruvugwa na bake kandi rukaba ari rwo rwari rwaragizwe itegeko ubwo icyo gihugu cyari kiyobowe na ba nyamuke b’abazungu mu myaka yo hambere.

Bamwe bagaragaje ko gutanga ikizamini muri urwo rurimi ari ukubibutsa ibibi by’ivanguraruhu rya apartheid nk’uko BBC yabitangaje.

Ryanair yo yisobanuye ivuga ko iryo bazwa itanga ari ingenzi mu gutahura abantu bagendera kuri pasiporo za Afurika y’Epfo z’impimbano kuko ari ingeso yeze muri iki gihe.

Urwo rupapuro basabwa kuzuza, Ryanair yatangaje ko uzajya ananirwa kurwuzuza azajya yangirwa gukora urugendo, agasubizwa amafaranga ye.

Nibura abanyafurika y’Epfo bangana na 13 % nibo bavuga Afrikaans nk’ururimi rwabo rwa mbere nk’uko ibarura ryakozwe mu 2011 ribigaragaza.

Ryanair yatangaje ko nta Munyafurika y'Epfo uzagenda mu ndege zayo zijya mu Bwongereza atazi Afrikaans

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .