Afurika irasabwa miliyari 9$ ngo ibashe kugura no kugeza ku bayituye urukingo rwa Covid-19

Yanditswe na Dufitumukiza Salathiel
Kuya 24 Ukuboza 2020 saa 07:38
Yasuwe :
0 0

Mu gihe hamaze kwemezwa inkingo ebyiri za COVID-19 nyuma y’urugamba rukomeye rwo kuzikora rumaze amezi agera ku icumi, ibihugu bitandukanye hirya no hino ku Isi bikomeje kugenda bizigura ndetse bimwe byatangiye n’ibikorwa byo gukingira.

Afurika nk’umugabane, irasabwa miliyari 9$ kugira ngo ibashe kugura ndetse igeze urukingo rwa COVID-19 imbere mu bihugu byayo.

Banki Nyafurika iteza imbere Ubucuruzi bw’ibyoherezwa n’ibitumizwa mu muhanga (African Export-Import Bank, Afreximbank) yatangaje ko ayo mafaranga azifashishwa mu kugura urukingo no kurugeza muri Afurika, aho bivugwa ko hazakingirwa 60% by’abaturage kugeza mu Ukwakira 2021.

Ni amafaranga Umuyobozi wa Afreximbank, Prof Benedict Oramah, yavuze ko azaturuka muri iyi banki ayoboye, imfashanyo, mu ngengo z’imari z’ibihugu ndetse na Banki y’Isi.

Muri aya mafaranga ngo ibihugu bya Afurika birasabwa umusanzu ungana na kimwe cya kabiri cya miliyari y’amadolari ya Amerika, Banki y’Isi yo ikazatanga miliyari enye, mu gihe andi azava mu baterankunga batandukanye.

Umuyobozi w’Ikigo Nyafurika Gishinzwe kurwanya indwara (CDC), John Nkengasong, yavuze ko biteganyijwe ko abasaga miliyoni 780 muri Afurika ari bo bazaba bakingiwe kugeza mu Ukwakira 2021.

Dose zisaga miliyari 1,5 ni zo Afurika izaba yaraguze kugeza icyo gihe.

Kugeza ubu, nubwo ibikorwa byo gukingira Covid-19 byatangiye ku yindi migabane, nta gihugu cya Afurika kirabona urukingo na rumwe rwa Covid-19 muri ebyiri zimaze kwemezwa.

Afurika irasabwa Miliyari 9$ ngo izabashe kugura no kugeza ku baturage urukingo rwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .