Afurika ikeneye miliyari 12 z’amadolari ngo ibone inkingo za Covid-19

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

Mu Mateka - Urwishe ya nka! Balladur yongeye kwihunza uruhare rw’u Bufaransa muri Jenoside, abihirikira kuri Amerika n’u Bwongereza
Amakuru - Munyenyezi Béatrice ukekwaho uruhare muri Jenoside yagejejwe mu Rwanda (Amafoto na Video)
U Rwanda - U Rwanda rwagabanyije imisoro ku modoka zikoresha amashanyarazi
U Rwanda - Amerika yohereje mu Rwanda Munyenyezi Béatrice ukekwaho uruhare muri Jenoside
Amakuru - Ibinyoma mu gitabo cya Michela Wrong, amakosa abatavuga rumwe na Leta bakora: Ikiganiro na Dr Kimonyo
Football - Yeguye cyangwa yegujwe? Imyaka itatu n’iminsi 14 ya Rtd Brig Gen Sekamana ku buyobozi bwa FERWAFA
U Rwanda - Guverineri Kayitesi yagarutse ku mwaka amaze mu nshingano n’ibikorwa byitezweho guhindura Amajyefo

Afurika ikeneye miliyari 12 z’amadolari ngo ibone inkingo za Covid-19

Yanditswe na Ntabareshya Jean de Dieu

Kuya 6 Mata 2021 saa 12:24

Yasuwe :

Yavuzweho:

0 0

Raporo ya Banki y’Isi yagaragaje ko Umugabane wa Afurika ukeneye nibura miliyari 12 z’amadolari ya Amerika ngo ugure inkingo zihagije zizayifasha guhashya Coronavirus.

BBC yatangaje ko hari indi nyandiko yashyizwe hanze n’Ikigega Mpuzamahanga cy’Imari (IMF) gisaba ibihugu 20 bikize ku Isi kongerera igihe cyo kwishyura amadeni ibihugu bya Afurika bibifitiye kugira ngo bibone ubushobozi bwo kugura inkingo n’ibindi bizafasha mu guhashya Coronavirus.

IMF yasabye ko ibihugu bikennye byakongererwa umwaka kugira ngo bisubukure kwishyura amadeni, kugira ngo imbaraga zabyo zose zishyirwe mu ngamba zo guhashya icyorezo.

Banki y’Isi na IMF muri iki cyumweru bifite inama zigamije kurebera hamwe uburyo inkingo za Coronavirus zagezwa kuri bose, uko ubukungu bwahungabanye bwazahurwa n’ibijyanye no guhangana n’imihindagurikire y’ibihe.

Imibare y’Ikigo cya Afurika Yunze Ubumwe gishinzwe kurwanya indwara z’ibyorezo, Africa CDC, igaragaza ko abasaga miliyono 4.2 muri Afurika aribo bamaze kwandura Covid-19, barimo ibihumbi 114 byahitanywe nayo. Abasaga miliyoni 3.8 bamaze kuyikira.