Abasirikare ba Somalia bagaruje Elite Hotel yari yabohojwe na Al-Shabab

Yanditswe na Bukuru JC
Kuya 17 Kanama 2020 saa 08:34
Yasuwe :
0 0

Itsinda ry’abasirikare kabuhariwe ba Somalia, ryabohoje Elite Hotel yo mu murwa mukuru Mogadishu, yari yagabweho igitero n’intagondwa zigendera ku mahame ya kiyisilamu, Al-Shabab.

Kuri iki cyumweru intagondwa za Al-Shabab zaturikije igisasu cyari giteze mu modoka iri hanze y’iyo hoteli, mbere y’uko bayiraramo bagashimuta abantu.

Iyi hoteli imaze igihe gito yubatswe, ni iy’umudepite kandi ikunze kugendererwa n’abategetsi. Ababonye iki gitero bavuze ko uko guturika kwa mbere ko mu modoka kumvikanye mu bice bitandukanye bya Mogadishu, haba akajagari ubwo abantu bahungaga ako gace.

Abakora mu nzego z’umutekano bahise bagota iyo hoteli, barasana n’abagabo bitwaje imbunda bari imbere muri hoteli.

Abantu batari munsi ya 10 byatangajwe ko biciwe kuri Elite Hotel iri mu gace ka Lido kari ku mwaro w’inyanja, ndetse hicwa n’umubare utaramenyekana w’intagondwa.

Bitangazwa ko mu bapfuye harimo n’umuyobozi mukuru wo muri Minisiteri y’itangazamakuru ya Somalia ndetse n’undi wo muri Minisiteri y’ingabo. Abandi bantu babarirwa muri za mirongo bakomeretse.

Umuvugizi wa Leta ya Somalia, Ismael Mukhtaar Omar, nyuma y’amasaha ane yatangaje kuri Twitter ko icyo gitero kirangiye kandi ko abakigabye bose bishwe.

Urubuga rw’amakuru Dhacdoone rutegamiye kuri leta, rwatangaje ko iyo hoteli ari imwe mu nyubako zirinzwe bikomeye i Mogadishu.

Elite Hotel iri i Mogadishu ni iy'umudepite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .