00:00:00 IGIHE NETWORK KN KINYARWANDA EN ENGLISH FR FRANCAIS

Abasirikare b’Abongereza bakekwaho guhohotera Abanyakenya batangiye gukorwaho iperereza

Yanditswe na Innocent Dushimimana
Kuya 1 June 2024 saa 07:15
Yasuwe :

Muri iki cyumweru leta ya Kenya yatangiye kumva ubuhamya bw’abaturage bashinja abasirikare b’Abongereza kubakorera ibyaha birimo ihohotera rishingiye ku gitsina.

Aba basirikare bo mu mutwe witwa BATUK bakorera mu karere ka Nanyuki kari rwagati muri Kenya. Bashinzwe gutoza bagenzi babo b’Abongereza n’Abanyakenya bari mu bikorwa byo kurwanya iterabwoba muri Afurika y’iburasirazuba.

Abaturage 5000 bo muri Nanyuki no mu nkengero zaho babashinje kwimura ibirindiro, bagasiga ibisasu birimo icyabaturikanye, kwangiza amashyamba yabo ndetse n’imyaka bitewe n’ibinyabutabire bakoresha bihumanya ibinyabuzima.

Aba basirikare kandi bashinjwe kwica abaturage barimo umukobwa w’imyaka 21 witwa Agnes Wanjiru, umurambo we wasanzwe mu kigega cy’amazi mu 2012.

Abaturage bagerageje kurega aba basirikare ariko inshuro nyinshi ntacyo byatanze kuko leta y’u Bwongereza ntabushake yabigizemo. Nk’umuryango wa Wanjiru wandikiye umwami Charles III ubwo yagiriraga uruzinduko muri kenya ariko ntacyo wasubijwe.

Bigizwemo uruhare n’imiryango ikora ubuvugizi, Guverinoma ya Kenya yatangiye kumva ubuhamya bw’abaturage bose bashinza aba basirikare kubahohotera kugira ngo bakurikiranwe n’ubutabera.

Ambasaderi w’u Bwongereza muri kenya, Neil Wigan yasezeranyije kenya ko igihugu cyabo kizayifasha muri iri perereza.

BATUK igizwe n’abasirikare b’Abongereza 280 basimburana. Ifite abakozi 100 bahoraho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .