Amakuru yashyizwe hanze n’Umuvugizi w’Igisirikare cya Uganda, avuga ko aba bapolisi ba Congo bahunze banyuze ku mupaka wa Ishasha, binjira mu gace ka Kanungu gaherereye mu Majyepfo ashyira uburengerazuba bwa Uganda.

Yakomeje avuga ko kugeza ubu Uganda imaze kwakira abapolisi 98 ba Congo binjiye bafite imbunda 43.

Ati “Bahunze imirwano ya M23 n’indi mitwe n’igisirikare cya Congo. Hari hamaze igihe hari ibikorwa by’ubugizi bwa nabi n’inzara.”

Uretse aba bapolisi ba Congo, mu gihe cy’iminsi ine, Uganda yakiriye n’abasivile barenga 2500 bahunze imirwano.