00:00:00 IGIHE NETWORK KN KINYARWANDA EN ENGLISH FR FRANCAIS

Tariki 4 Kamena

Yanditswe na

SHIKAMA Dioscore

Kuya 4 June 2018 saa 07:00
Yasuwe :

Tariki 4 Kamena ni umunsi w’155 mu minsi igize igize umwaka, hasigaye iminsi 210 uyu umwaka ukagera ku musozo.
Bimwe mu byaranze uyu mwaka mu mateka
Mu Rwanda
1994: Mu nama ya Guverinoma ya Kambanda, hagaragajwe ko ingabo zayo zari hafi gutakaza Umujyi wa Gitarama nyuma y’ifatwa rya Kabgayi
Kuri iyi tariki, Gitarama yahise ihabwa perefe w’umusirikare, Maj. Ukurikiyeyezu Jean-Damascène asimbuye Uwizeye Fidèle, hanemezwa gushaka abacanshuro 1500 bo kunganira ingabo za Leta.
2003: Hemejwe (...)

Tariki 4 Kamena ni umunsi w’155 mu minsi igize igize umwaka, hasigaye iminsi 210 uyu umwaka ukagera ku musozo.

Bimwe mu byaranze uyu mwaka mu mateka

Mu Rwanda

1994: Mu nama ya Guverinoma ya Kambanda, hagaragajwe ko ingabo zayo zari hafi gutakaza Umujyi wa Gitarama nyuma y’ifatwa rya Kabgayi

Kuri iyi tariki, Gitarama yahise ihabwa perefe w’umusirikare, Maj. Ukurikiyeyezu Jean-Damascène asimbuye Uwizeye Fidèle, hanemezwa gushaka abacanshuro 1500 bo kunganira ingabo za Leta.

2003: Hemejwe Itegeko nshinga Repubulika y’u Rwanda ryavuguruwe mu 2015.

Ahandi

2019: Ubwato buhuriweho na Amerika n’u Bwongereza, Carnival Corporation & PLC, bwaciwe amande ya miliyoni 20$ buzizwa kurenga ku mabwiriza yo kubungabunga ibidukikije.

2018: Mu ntambara yo muri Afghanistan, umwiyahuzi yiturikirijeho igisasu muri Kabul bituma barindwi bahasiga ubuzima.

2017: Mu gitondo cyo ku Cyumweru, abantu batatu baturikirije ibisasu mu murwa mukuru w’u Bwongereza ahazwi nka London Bridge, igitero cyaguyemo abantu barindwi abandi 48 bagakomereka. Ubuyobozi bwatangaje ko abagabye ibyo bitero nabo bishwe na polisi.

2016: Ingabo za Siriya zinjiye mu ntara ya Raqqa ihuriweho na Iraq hamwe na Islamic State; kimwe mu bitero bitatu bikomeye byisukiranyije muri Iraq na Siriya.

2014: Mu bushyamirane bw’u Burusiya na Ukraine, hafashwe ibirindiro bibiri by’ingabo za Ukraine muri Luhansk Oblast mu gihe imirwano yari ikaze mu mujyi wa Sloviansk.

2011: Ikirunga cya Puyehue muri Chili cyararutse bituma habaho ihagarikwa ry’ingendo z’indege muri Amerika y’Epfo, New Zealand na Australia ndetse ababarirwa mu bihumbi bitatu barahunga.

2009: James Prunell wari Umunyamabanga wa Leta ushinzwe Imirimo n’ibyo gushyira abantu mu zabukuru mu Bwongereza, yeguye ku mirimo ye anasaba Minisitiri w’Intebe w’icyo gihugu, Gordon Brown guhita yegura ku nshingano ze.

2007: Ishami ry’Umuryango w’Abibumbye ryita ku Bidukikije, (UNEP) ryatangaje ko kubera ubushyuhe bukabije, abaturage b’isi bagera kuri 40% bazagerwaho n’ingaruka zo gushonga kw’urubura rwo ku misozi iherereye ku mugabane wa Aziya.

2000: Umutingito wibasiye Bengkulu muri Indonesia abagera kuri 94 bahasiga ubuzima.

1994: Umunya-Ethiopia, Haile Gabre Selassie, yaciye agahigo ko kuba uwa mbere ku isi wirutse ibirometero bitanu mu minota 12:56.96.

1989: Habayeho iturika rya gaz hafi ya gari ya moshi ebyiri zarimo abagenzi muri URSS bituma abarenga 100 bahasiga ubuzima.

1979: Perezida wa Afurika y’Epfo, John Vorster yeguye ku mirimo ye.

1977: Apple II, mudasobwa ya mbere y’umuntu ku giti cye yashyizwe ku isoko.

1975: Ibisigazwa by’inyamaswa bimaze igihe kinini kurusha ibindi, byavumbuwe muri California y’Amajyaruguru.

1972: Angela Davis wari impirimbanyi y’uburenganzira bw’abirabura, yagizwe umwere ku cyaha cyo kwica umurinzi w’umuzungu.

1971: J Luns yagizwe Umunyamabanga Mukuru wa NATO.

1964: Ibirwa bya Maldives byashyizeho Itegekonshinga.

1954: U Bufaransa bwahaye ubwigenge igihugu cya Vietnam.

1951: Hashinzwe Kaminuza ya Leta ya Mississippi Valley.

1941: Abayahudi bo muri Croatia, basabwe n’icyo gihugu kujya bambara inyenyeri irimo inyuguti ya Z.

1939: Mu gihe cya Jenoside yakorewe Abayahudi, ubwato bwa MS St. Louis bwari bubatwaye nk’impunzi zigera kuri 963 bwangiwe guhagarara muri Florida nyuma yo kwangirwa muri Cuba, ibintu byatumye abagera muri 200 bapfira mu birindiro by’Abanazi ku bwo guhatirwa gusubira mu Burayi.

1926: Ignacy Moscicki yabaye perezida wa Pologne.

1912: Massachussetts yabaye leta ya mbere ishyizeho umushahara fatizo muri Amerika.

1907: Hatangijwe imashini imesa ikanumisha imyenda.

Ibitabo

1954: A Man Who Never Was cya Ewen Montagu.

1965: A pillar of Iron cyanditswe na Taylor Caldwell.

1999: The Century cyanditswe na Peter Jennings afatanyije na Toddy Brewstars.

Indirimbo zakunzwe

2017: Despacito ya Daddy Yankee na Luis Fonsi hamwe na Justin Bieber.

2016: One Dance ya Drake afatanyije na Wizkid hamwe na Kyla.

2015: See You Again ya Wiz Khalifa na Charlie Puth.

2014: All of Me ya John Legend

2008: Lollipop ya Lil Wyne.

1964: Love Me Do ya The Beatles

1957: All Shook Up ya Elvis Presley.

Abavutse

1975: Angelina Jolie, Umunyamerikakazi wamamaye mu gukina filimi.

1975: Russel Brand, uwongereza wamamaye nk’umunyarwenya, umunyamakuru n’umukinnyi wa filimi.

1985: Lukas Podolski wamamaye mu basatira izamu mu ikipe za Bayern Munich na Arsenal no mu y’igihugu cy’u Budage.

1991: Lorenzo Insigne, Umutaliyane wamamaye muri ruhago.

Abatabarutse

2021: Clarence Williams III, umukinnyi wa filimi ukomoka muri Amerika.

2016: Carmen Pereira umunyapolitiki wo muri Guinné Bissau wanabaye perezida igihe cy’iminsi itatu, akaba uwa mbere w’umugore wabigezeho muri Afurika.

1941: Umwami w’Abami w’Umudage, Wilhelm II.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .