Tariki 24 Ukuboza

Yanditswe na
Kuya 24 Ukuboza 2016 saa 06:43
Yasuwe :
0 0

Tariki 24 Ukuboza ni umunsi wa 358 mu minsi igize umwaka, hasigaye iminsi irindwi uyu mwaka ukagera ku musozo.

Mu gihugu cya Finland uyu munsi hizihizwa itangazwa ry’amahoro ya Noheli (Declaration of Christmas Peace), umunsi wizihirijwe bwa mbere i Turku, niwo munsi wizihizwaho Noheli muri uyu mujyi wa Turku.

Bimwe mu byaranze uyu munsi mu mateka

1294: Papa Boniface VIII yatorewe kuba umushumba mukuru wa Kiliziya Gatolika, asimbura mutagatifu Celestine V wari umaze kwegura.

1914: Mu gihe cy’intambara ya mbere y’isi yose, hatangiye ibihe byiswe Christmas truce aho abarwana bahanye agahenge ku munsi mukuru wa Noheli, ingabo z’Abongereza n’iz’Abadage bagaragarizanya akanyamuneza kadasanzwe baririmba, bahana imikono mu byishimo.

1924: Igihugu cya Albania cyahindutse Repubulika

1929: Mu gihugu cya Argentine habaye ubwicanyi bwivuganye umukuru w’igihugu

1951: Igihugu cya Libya cyabonye ubwigenge, kigobotora ingoyi y’Abataliyani, ndetse Idris I ahita yimikwa aba umwami wa Libya.

1964: Mu ntambara ya Vietnam, habaye igikorwa cya gisirikare cyiswe Viet Cong, kibasiye hoteli iri mu Mujyi wa Saigon hagamijwe kwereka Abanyamerika ko batishimiye ukuza kwabo mu Murwa wabo.

1997: Mu gihugu cya Algeria habaye ubwicanyi bwahitanye abantu babarirwa hagati ya 5a n’100, ubu bwicanyi bwiswe Sid El-Antri massacre.

2005: Umubano hagati y’ibihugu bya Sudani na Chad wajemo agatotsi, igihugu Chad cyatangaje ko kigiye kugaba ibitero ku gihugu cya Sudani, kiza gikurikiye icyagabwe Adré, aho cyahise gihitanye abantu 100.

2008: Umutwe wa gisirikare wo mu gihugyu cya Uganda uzwi nka Lord’s Resistance Army uyoborwa na Joseph Kony watangiye kugaba ibitero by’urukurikirane ku gihugu cya Repubulika ya Congo Kinshasa, ibi bitero byaguyemo abantu babarirwa muri 400.

Joseph Kony uyobora Lord's Resistance Army

Bamwe mu bavutse uyu munsi

1969: Sean Michael, umukinnyi w’amafilimi ukomoka mu gihugu cya Afurika y’epfo.

1982: Robert Carmine, umuhanzi ukomoka mu gihugu cya Leta Zunze Ubumwe za Amerika.

Bamwe mu batabarutse uyu munsi

1999: João Figueiredo, Perezida wa Brazil

2009: Rafael Caldera, umunyamategeko, umwanditsi, umuhanga mu bijyanye n’imibanire y’abantundetse n’umunyapolitiki yigeze no kuba Perezida wa Venezuela.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza