00:00:00 IGIHE NETWORK KN KINYARWANDA EN ENGLISH FR FRANCAIS

Tariki 16 Ugushyingo

Yanditswe na

SHIKAMA Dioscore

Kuya 16 Ugushyingo 2022 saa 07:00
Yasuwe :

Tariki 16 Ugushyingo ni umunsi wa 321 mu igize umwaka, hasigaye 45 ukagera ku musozo.

Bimwe mu byaranze uyu munsi

1914: Hafunguwe ku mugaragaro banki yitwa Federal Reserve ibumbiye hamwe amabanki agera kuri 12 yo muri Leta zitandukanye, ikaba yarakoraga nka Banki Nkuru y’Igihugu ya Leta Zunze Ubumwe za Amerika.

1938: Ku nshuro ya mbere havumbuwe Lysergic acid diethylamide yandikwa mu mpine nka LSD, ikaba ikoreshwa mu ikorwa ry’imwe mu miti inyuranye. Yavumbuwe na Dr Albert Hofmann ukomoka mu Busuwisi.

1940: Muri Jenoside yakorewe Abayahudi yibukwa ku izina rya Holocaust, Abanazi bigaruriye Pologne.

1944: Mu ntambara ya Kabiri y’Isi yose, ahitwa Düren mu Budage hasenywe bikomeye n’ibitero n’ingabo zishyize hamwe, zigamije kurwanya ingabo z’u Budage.

1945: Hashinzwe Ishami ry’Umuryango w’Abibumbye ryita ku Burezi, Ubumenyi n’Umuco, UNESCO.

1965: Leta Zunze Ubumwe z’Abasoviyete zatangije igikorwa zise Venera Program cyahaye ubutumwa icyogajuru Venera 3 bwo kujya ku Mubumbe wa Venus. Iki ni cyo cyari kuzaba icya mbere mu byogajuru byose mu kugera ku butaka bw’undi mubumbe.

1973: Richard Nixon wabaye Perezida wa Leta Zunze Ubumwe za Amerika yashyize umukono ku masezerano yiswe Trans-Alaska Pipeline Authorization Act yemeraga iyubakwa ry’umuyoboro wa peteroli muri Alaska (Alaska Pipeline).

1988: Ku nshuro ya mbere muri Pakistan habaye amatora yagutse, abaturage bitorera Minisitiri w’Intebe wabaye Benazir Bhutto.

Benazir Bhutto

2000: Bwa mbere nyuma y’intambara yahuje Leta Zunze Ubumwe za Amerika na Vietnam, Perezida Bill Clinton yabaye uwa mbere wa USA wongeye gukandagiza ikirenge cye ku butaka bwa Vietnam.

2010: Igikomangoma cy’u Bwongereza, William cyatangaje ko kizarushingana na Kate Middleton; ibi byabereye ahitwa Clarence House. Barashakanye ndetse ubukwe bwabo bwabaye mu 2011 bubarwa nka kimwe mu bikorwa byahanzwe amaso n’abantu batari bake ku Isi hose.

Bamwe mu bavutse uyu munsi

1973: Christian Horner, Umwongereza wagize ikipe yitabira amarushanwa yo gusiganwa mu modoka ya Formula One.

1982: Umunyamerika Amar’e Stoudemire wakinnye Basketball.

Bamwe mu batabarutse uyu munsi

2010: Donald Nyrop wari Umuyobozi wa Sosiyete y’indege yo muri Amerika.

2010: Britton Chance, wari umuhanga mu bijyanye n’Ibinyabuzima.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .