00:00:00 IGIHE NETWORK KN KINYARWANDA EN ENGLISH FR FRANCAIS

Tariki 14 Mutarama

Yanditswe na

IGIHE

Kuya 14 Mutarama 2023 saa 06:30
Yasuwe :

Tariki 14 ni umunsi wa 14 mu minsi igize umwaka, hasigaye iminsi 351 ukagera ku musozo.

Bimwe mu byaranze uyu munsi

1858: Napoleon III, wabaye Perezida w’u Bufaransa yasimbutse igitero cyari kigamije kumuhitana.

1907: Muri Jamaica habaye umutingito ukomeye wibasiye Umujyi wa Kingston usiga uhitanye abagera ku gihumbi.

1954: Uwitwa Jagadguru Kripalu Maharaj yahawe izina ry’intera imugira umwarimu wa gatanu wa Jagadguru (Umwarimu w’Isi) nyuma y’iminsi irindwi atanga ibiganiro imbere y’abanyeshuri 500 b’Ahabindu.

1960: Muri Australia hatangijwe Banki y’ukwizigamira (Reserve Bank of Australia), iyi yari banki y’igihugu.

1969: Ku ruganda rwitwa USS Enterprise (CVN-65) habereye impanuka y’iturika ryahitanye abantu bagera kuri 27.

1998: Indege itwara imitwaro yo muri Afganistan yakoreye impanuka ku musozi uherereye mu Majyepfo ya Pakistan ihitana abantu bagera kuri 50.

1999: Uwitwa Mel Lastman wari Umuyobozi w’Umujyi wa Ontario muri Canada yabaye umuyobozi wa mbere w’umujyi wiyambaje ubutabazi bw’ibanze abusabye ingabo zagombaga kugoboka umujyi wari ugeze muri kimwe cya kabiri warengewe n’urubura.

2000: Umuryango w’Abibumbye wakatiye Abanya-Bosnie bavanze n’Abanya-Croatie igihano cyo gufungwa kugera ku myaka 25 bazira ubwicanyi bwakozwe mu 1993 bugahitana Abayisilamu bagera ku ijana biciwe mu gace ka Bosnie.

2004: Ibendera rya Repubulika ya Georgia rizwi no ku izina rya five cross flag, umuntu agenekereje yakwita urusobe rw’amabendera atanu ryongeye gukoreshwa nyuma y’imyaka igera kuri 500 ridakoreshwa.

2011: Ben Ali wahoze ari Umukuru w’Igihugu cya Tunisia, yahungiye muri Saudi Arabia bitewe n’imyigaragambyo ikomeye yari mu gihugu cye ikorwa n’abaturage.

Bamwe mu bavutse uyu munsi

1950: Jagadguru Rāmabhadrācārya, Umuyobozi w’Idini Gakondo rya Hindu mu Buhinde.

1982: Léo Lima, yabaye umukinnyi w’umupira w’amaguru ukomoka muri Brazil.

Bamwe mu batabarutse uyu munsi

2007: Vassilis Photopoulos, umuyobozi w’amafilimi ukomoka mu Bugereki.

2010: Petra Schürmann, Umudage wigeze kuba nyampinga mu rwego rw’Isi mu 1956.

Petra Schürmann ubwo yatorerwaga kuba Nyampinga w'Isi mu 1956

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .