Wuhan yabaye imbarutso ya Coronavirus yatangiye 2021 mu birori mu gihe Isi yose yari mu nzu

Yanditswe na IGIHE
Kuya 1 Mutarama 2021 saa 08:32
Yasuwe :
0 0

Uwareba uburyo abatuye Umujyi wa Wuhan mu Bushinwa bizihije ibirori byo gutangira umwaka mushya wa 2021 ntiyapfa kwemera ko ariwo mujyi mu mezi make ashize wari uzahajwe n’icyorezo cya Covid-19 cyane ko ariho cyatangiriye.

Abatuye uyu mujyi babashije gukora ibi birori mu gihe abandi baturuka mu bice bitandukanye by’Isi birimo n’u Rwanda batangiye umwaka bari mu nzu, nta birori ahanini hagamijwe kwirinda ko iki cyorezo cyarushaho gukwirakwira.

Abatuye uyu mujyi bari bafite byinshi byo kwishimira, bishimiraga ko 2020 yasize bapfushije abarirwa mu bihumbi, ikabaheza mu nzu amezi ane ( kuva Mutarama kugeza Mata) irangiye.

Kwibuka uburyo 2020 itaboroheye na gato byatumye ibihumbi by’abatuye uyu mujyi bahurira mu bice byawo bitandukanye birimo ahazwi nka ‘Hankow Customs House’ nubundi hasanzwe habera ibirori byo gusoza umwaka. Buri wese yacunganaga n’isaha maze saa Sita z’ijoro zigeze mu buryo bose basa n’abumvikanyeho barekurira mu kirere ibipirizo byanditseho amagambo yo kwifurizanya umwaka mushya muhire.

Abatuye uyu Mujyi baganiriye na CNN bavuze ko bafite byinshi byo kwishimira ariko abenshi bahuriza ku kuba barabashije kwigobotora icyorezo cya Covid-19 bakinjira mu 2021 hari icyizere ko ibintu bizarushaho kugenda neza.

Nubwo wari umwanya w’ibyishimo ku batuye Wuhan, ibyakozwe byose hubahirizwaga ingamba zo kwirinda Covid-19 cyane cyane kwambara agapfukamunwa neza, hari n’abapolisi bashinzwe gukebura abashaka gutandukira.

Mu Ukuboza 2019 nibwo muri Wuhan hagaragaye umuntu wa mbere wanduye Covid-19 ku Isi, kuva iki gihe yatangiye gukwirakwira Isi yose aho kugeza ubu abamaze kuyandura babarirwa muri miliyoni 83, ,mu gihe aboi maze guhitana nabo barenga 1.8.

Ni uku abatuye Wuhan batangiye umwaka wa 2021 mu birori bikomeye
Buri wese yari ahanze amaso isaha
Muri ibi birori buri wese yasabwaga kuza yambaye agapfukamunwa
Wuhan yari yarazahajwe na Covid-19 yabashije guhangana nayo ku buryo n'ibirori bisigaye bikorwa
Abatuye uyu mujyi bishimiye gusoza umwaka wa 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .