Wikipedia yasabwe n’u Burusiya gusiba amakuru ajyanye n’ibikorwa bya gisirikare by’u Burusiya muri Ukraine, ibyaha by’intambara muri Bucha n’ayandi.

Ubu busabe ntabwo yabwubahirije bituma icibwa amande. Mu bujurire, Wikimedia, ivuga ko abantu bafite uburenganzira ku makuru y’ukuri ajyanye n’intambara.

Urukiko rwo mu Burusiya ruvuga ko amande yaciwe Wikimedia ashingiye ku kuba yaratangaje amakuru y’ibinyoma ku bikorwa bya gisirikare burimo gukora muri Ukraine.

Kuri Wikipedia ngo hagiyeho inkuru zibanda ku ngingo ziteye ubwoba ku Burusiya zivuga ku bikorwa by’ingabo zabwo muri Bucha n’ahandi, no gukoresha imvugo z’uko ari intambara bwagabye kuri Ukraine kandi bwo buvuga ko ’ari ibikorwa bidasanzwe bya gisirikare’.

U Burusiya buvuga ko ibyatangajwe na Wikipedia byateje ikibazo n’imyivumbagatanyo mu gihugu.