Mu bindi Manafort akurikiranyweho, harimo no kuba hari akayabo k’amamiliyoni y’amadolari yarigishirije mu mabanki yo muri Ukraine, hari mu 2014, ndetse no gukwepa imisoro, ibyaha yahamijwe n’urukiko rwo muri Leta ya Virginia.

Manafort yemereye Robert Mueller, ukurikirana uruhare rw’u Burusiya mu matora ya Leta Zunze Ubumwe za Amerika, kutazaruhanya mu iperereza rigamije gushyira ahagaragara uruhare rw’icyo gihugu mu matora yatumye Trump atsinda Hillary Clinton mu Ugushyingo 2016.

Kuba Manafort yemera uruhare rwe mu byabaye, biri mu byatuma uru rubanza ruba rugufi, n’amafaranga azarukoreshwamo akaba make, nk’uko Ijwi rya Amerika rikomeza ribitangaza.

Perezidansi ya Amerika yahakanye yivuye inyuma ibyo Manafort avuga igira iti: “ntaho bihuriye na Trump cyangwa ukwiyamamaza kwe, kwatumye atsinda amatora yo mu 2016”.

Umuvugizi wa Perezidansi ya Amerika Sarah Sanders yavuze ko ‘Nta ho bihuriye na mba’.

Mu bishishikaje Umushinjacyaha Mueller ngo ni ukumenya amashirakinyoma niba koko imbonankubone harabayeho imikoranire y’u Burusiya n’iyo kipe yamamazaga Trump, bivugwa ko bwayifashije mu kwiba amajwi.

Paul Manafort wari ushinzwe guhuza ibikorwa byo kwamamaza Trump

[email protected]