Uwari umuyobozi wa Interpol yakatiwe gufungwa imyaka irenga 13

Yanditswe na IGIHE
Kuya 21 Mutarama 2020 saa 11:35
Yasuwe :
0 0

Uwahoze ari Umuyobozi wa Interpol, Meng Hongwei, yakatiwe igifungo cy’imyaka 13 n’amezi atandatu kubera ibyaha bya ruswa

Hongwei yatawe muri yombi mu 2018, akorwaho iperereza n’Urwego rw’Igihugu rushinzwe kurwanya ruswa ku bijyanye no kuba yararenze ku mategeko.

Hongwei kuri uyu wa kabiri yakatiwe gufungwa imyaka 13 n’amezi atandatu ndetse n’ihazabu ya miliyoni ebyiri z’ama-Yuan (ibihumbi 223 by’ama-pound),

Mu rubanza rwe muri Kamena umwaka ushize, yemeye ko yakiriye miliyoni 2.1 z’amadolari za ruswa, urukiko ruvuga ko yakoresheje umwanya yari afite mu gushaka inyungu zidakwiye.

Urukiko rwavuze ko yemeye ibyaha byose ndetse atazigera ajuririra igihano yahawe.

Uyu mugabo wari nka Minisitiri w’Umutekano wungirije mu Bushinwa yafashwe ubwo yari avuye mu Mujyi wa Lyon mu Bufaransa ahari icyicaro cya Interpol agiye mu Bushinwa.

Ari mu gatsiko k’abakomeye mu ishyaka rya Gikomunisiti, bafashwe muri gahunda ya Perezida Xi Jinping, yo kurwanya ruswa, nubwo abenshi bavuze ko igamije kwikiza abanzi be muri politiki.

Amaze gushinjwa ruswa, yirukanywe mu ishyaka rya gikomunisiti ndetse umugore we ahabwa ubuhungiro mu Bufaransa nyuma yo kuvuga ko we n’abana babiri hari gahunda yo kubashimuta.

Hongwei yakatiwe igifungo cy'imyaka 13 n'igice

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza