Uwahoze ari Perezida wa Honduras yafatanywe miliyoni 18 Frw mu gikapu, abajijwe avuga ko atazi uko yagezemo

Yanditswe na Umwali Zhuri
Kuya 28 Ugushyingo 2020 saa 12:47
Yasuwe :
0 0

Uwahoze ari Perezida wa Honduras, Manuel Zelaya, ku wa Gatanu w’iki Cyumweru yafatiwe ku Kibuga cy’Indege cya Toncontin, afite umuba w’inote zingana n’ibihumbi 18 by’amadolari, hafi miliyoni 18 Frw abajijwe aho yayakuye, asubiza ko atari aye ndetse atazi uburyo yageze mu gikapu cye.

Uyu mugabo yabwiye ibinyamakuru byo mu gihugu cye ati “Ntabwo nzi inkomoko y’ariya mafaranga. Birashoboka ko hari umuntu wayashyizemo [mu gikapu]. Maze gukora ingendo inshuro 400 kandi ndabizi ko udashobora kugendana amafaranga angana kuriya. Ni ngombwa ko hakorwa iperereza hakamenyekana uwashyize ariya mafaranga mu bintu byanjye.”

Akimara gufatwa, yanditse ku mbuga nkoranyambaga ze ko afunzwe mu buryo bunyuranyije n’amategeko kandi ko byatewe n’agakapu atazi nyirako karimo ibihumbi 18 by’amadolari.

Zelaya yayoboye Honduras hagati y’umwaka wa 2006 na 2009, yakuwe ku butegetsi n’igisirikare ashaka gukoresha kamarampaka yari gusiga yongeye gutorwa.

Gusa nyuma yaho yagumye mu ruhando rwa politiki ayoboye Ishyaka ryitwa Partido Libertad y Refundación ndetse mu 2013 umugore we yiyamamarije kuyobora iki gihugu.

Amategeko yo mu gihugu cye agena ko umuntu ugiye gusohokana hanze amafaranga arenze ibihumbi 10 by’amadolari agomba kubimenyesha inzego zibishinzwe.

Manuel Zelaya yabwiye abanyamakuru ko atazi uburyo uwo muba w’inote wageze mu gikapu cye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .