USA: Umuyobozi w’Ibiro by’Umukuru w’Igihugu yanduye Coronavirus

Yanditswe na Umwali Zhuri
Kuya 7 Ugushyingo 2020 saa 07:30
Yasuwe :
0 0

Umuyobozi w’Ibiro by’Umukuru w’Igihugu muri Leta Zunze Ubumwe za Amerika, Mark Meadows, yanduye Coronavirus nk’uko abantu bo hafi ye babitangaje.

Ntabwo bizwi neza igihe uyu mugabo yamenyeye ko yanduye iki cyorezo, cyangwa se niba yaragaragazaga ibimenyetso byacyo gusa ikizwi neza ni uko yanduye. Yabimenyesheje abantu ba hafi ye ku wa Kabiri nyuma y’amatora ya Perezida wa Repubulika.

Hari abandi bantu bane bo muri White House nabo banduye iki cyorezo, barimo Nick Trainer, umwe mu bantu bahora iruhande rwa Perezida Trump. Mu minsi ishize nabwo Perezida Trump, umugore we n’umwana wabo muto bose banduye iki cyorezo.

Hari amakuru avuga ko bamwe mu bakozi bo muri White House mu ntangiriro z’iki cyumweru babwiwe ko Meadows yanduye ariko bagasabwa guceceka. Uyu mugabo yari aherutse kugaragara mu ruhame atambaye agapfukamunwa.

Muri Leta Zunze Ubumwe za Amerika hari abantu barenga miliyoni 10 bamaze kwandura iki cyorezo hamwe n’abandi barenga ibihumbi 242 bamaze gupfa.

Mark Meadows yanduye Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .