USA: Trump yavuze ko urukingo rwa Coronavirus rushobora kuboneka mbere y’Ugushyingo 2020

Yanditswe na IGIHE
Kuya 6 Kanama 2020 saa 08:19
Yasuwe :
0 0

Perezida wa Leta Zunze Ubumwe za Amerika, Donald Trump yatangaje ko urukingo rwa Coronavirus rushobora kuzaboneka mbere ya tariki 3 Ugushyingo 2020, umunsi Abanyamerika bazaba batoraho umukuru w’igihugu.

Trump yabitangarije kuri radiyo kuri uyu wa Kane, nubwo byateye benshi kwibaza kuko igihe yatanze gitandukanye n’icyagiye kivugwa n’inzobere mu buzima zikorera mu Biro bya Perezida.

Umunyamakuru Geraldo Rivera yamubajije igihe yumva urukingo ruzaba rwabonekeye, maze amusubiza agira ati “Vuba cyane mbere y’uko umwaka urangira. Bishobora no kuba vuba cyane.”

Umunyamakuru yahise amubaza niba ari mbere y’amatora yo mu Ugushingo, Trump amusubiza agira ati “Ndatekereza ko mbere y’aho bishoboka ariko nyine hafi muri ibyo bihe.”

Nubwo Trump yatangaje ko urukingo ruri hafi, hari ababifashe nko gukomeza guha icyizere Abanyamerika bashegeshwe bikomeye na Coronavirus n’ingaruka zayo.

Perezida Trump mbere ya Coronavirus yishingikirizaga izamuka ry’ubukungu nk’iturufu izamufasha kwiyamamariza manda ya kabiri ariko iki cyorezo cyatumye ubukungu busubira hasi.

Amaze iminsi asaba ko ibikorwa byari byarafunzwe kubera Coronavirus bisubukurwa, mu gihe hakibarwa ko icyo gihugu nibura ku munsi gipfusha abantu igihumbi bahitanywe na Coronavirus.

Umuyobozi w’ikigo gishinzwe indwara zandura, Dr. Anthony Fauci aherutse kubwira Reuters ko urukingo rushobora kuboneka mu mpera z’uyu mwaka.

Trump yatangaje ko urukingo rwa Coronavirus rushobora kuzaboneka mbere ya tariki 3 Ugushyingo 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .