USA: Muri Gashyantare 2021, abantu ibihumbi 500 bashobora kuzaba bamaze guhitanwa na Coronavirus

Yanditswe na Bukuru JC
Kuya 24 Ukwakira 2020 saa 12:09
Yasuwe :
0 0

Abantu ibihumbi 500 muri Leta Zunze Ubumwe za Amerika bashobora kuzaba bamaze guhitanwa na coronavirus muri Gashyantare umwaka utaha, nkuko ubushakashatsi bushya bwabitangaje.

Ubwo bushakashatsi bwatangajwe mu kinyamakuru Nature Medicine, bukaba bwarakozwe na Kaminuza ya Washington, buvuga ko haramutse hagiyeho itegeko ryo kwambara agapfukamunwa, nibura ubuzima bw’abantu 130 000 bwatabarwa mu mezi make ari imbere.

Umwe mu bakoze ubushakashatsi, Christopher Murray yagize ati “Turi kugana ahantu icyorezo gishobora kwiyongera. Abavuga ko kigiye kurangira ntabwo twemeranya nabo. Turateganya ko biziyongera muri Leta zitandukanye.”

Murray yavuze ko hashobora kubaho impfu nyinshi mu Ukuboza uyu mwaka no muri Mutarama umwaka utaha nkuko Ibiro Ntaramakuru by’Abashinwa, Xinhua byabitangaje.

Ubu bushakashatsi busohotse mu gihe Perezida Donald Trump kuri uyu wa Gatanu ubwo yari mu kiganiro na Joe Biden bahanganye mu matora, yavuze ko coronavirus igiye kurangira muri Amerika.

Joe Biden we yavuze ko ibihe by’ubukonje igihugu kigiye kwinjiramo bishobora kuba bibi cyane, asaba ko abaturage bose bashishikarizwa kwambara udupfukamunwa.

Abantu basaga miliyoni 8.5 bamaze kwandura Coronavirus muri Amerika, mu gihe abasaga ibihumbi 220 imaze kubahitana.

Abasaga ibihumbi 220 bamaze guhitanwa na Coronavirus muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .