USA: Joe Biden yakingiwe Covid-19

Yanditswe na IGIHE
Kuya 22 Ukuboza 2020 saa 08:01
Yasuwe :
0 0

Joe Biden uherutse gutorerwa kuyobora Leta Zunze Ubumwe za Amerika yahawe urukingo rwa Covid-19 rwakozwe na BioNTech/Pfizer, yemeza ko yabikoze kugira ngo yereke abandi Banyamerika ko rutekanye.

Biden yahawe uru rukingo mu gikorwa cyatambukijwe kuri Televiziyo nyinshi mu gihugu kiri kuba ako kanya.

Ubwo yari amaze gukingirwa, Biden yasabye abandi Banyamerika kuzitabira kwikingiza igihe urukingo ruzaba rumaze kuboneka ku bwinshi.

Ati “Ndi gukora ibi kugira ngo nereke abantu ko bagomba kwitegura gufata urukingo igihe ruzaba rumaze kuboneka, nta gikwiye kubatera impungenge.”

Biden yakingiwe akurikira umugore we Jill Biden.

Gukingirwa kwa Biden kuje gukurikira ukw’abandi bayobozi bakomeye ku Isi barimo Visi Perezida wa Amerika, Mike Pence na Perezida w’Inteko Ishinga Amategeko yo muri iki gihugu, Nancy Pelosi ndetse na Minisitiri w’Intebe wa Israel, Benjamin Netanyahu.

Biteganyijwe ko mu cyumweru gitaha Kamala Harris nawe uherutse gutorerwa kuba Visi Perezida wa Amerika n’umugabo we bazahabwa uru rukingo.

Kugeza ubu muri Leta Zunze Ubumwe za Amerika hamaze kwemezwa inkingo za Covid-19 ebyiri zirimo uru rwa BioNTech/Pfizer n’urwa Moderna. Abamaze gukingirwa muri iki gihugu barakabakaba ibihumbi 500.

Joe Biden ubwo yakingirwaga Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .