USA: Inteko Ishinga Amategeko yemeje ibirego bizashingirwaho mu matora yo kweguza Trump

Yanditswe na Joy Monique Dukuze Umutesi
Kuya 14 Ukuboza 2019 saa 11:49
Yasuwe :
0 0

Abadepite mu nteko Ishinga Amategeko ya Amerika kuri uyu wa Gatanu, bemeje ibirego bibiri Perezida Donald Trump aregwa, ikaba itegereje amatora y’inteko rusange yo kumweguza kubera gukoresha nabi ububasha ahabwa n’itegeko no kubangamira inteko.

Komisiyo y’inteko ishinzwe ubutabera igizwe n’aba-Democrates n’aba-Republicains, batoye bakurikije imirongo y’amashyaka yabo ku majwi 23 kuri 17 byongera ibyago by’uko Trump aba Perezida wa Amerika wa gatatu weguzwa

Nyuma y’amatora, yabaye nyuma y’ibiganiro mpaka by’amasaha 14, umuyobozi w’iyi komisiyo, Jerry Nadler, yavuze ko wari umunsi utari mwiza.

Ati “Uyu munsi ni umunsi w’agahinda n’umubabaro.”

Amatora yemeje ibirego bibiri Perezida Trump aregwa. Icya mbere ni uko Trump ashinjwa kugirana ibiganiro na mugenzi we wa Ukraine Volodymyr Zelensky amusaba kumufasha guperereza ku ba-Democrates no kwanga kwitaba inteko ngo hakorwe iperereza.

Ingingo yo kweguza Trump rizemezwa n’inteko rusange y’umutwe w’Abadepite izatora mu cyumweru gitaha. Nadler avuga ko inteko izabikora vuba.

Uyu mwanzuro uzashoza urubanza rwa Trump muri Sena aho aba-Republicains bitezwe gutora ‘Oya’ ku iyeguzwa rya Trump.

Perezida Trump ugereranya iyeguzwa rye “n’umuhigo w’umupfumu”, yagaragaje ko yari ahuze atangaza amasezerano yasinyanye n’u Bushinwa kuri Twitter.

Icyakora kweguza Trump biragoye kuko aba-democrates bafite ubwiganze mu badepite, mu gihe ishyaka ry’aba-Republicains ari ryo rya Trump rifite ubwiganze muri Sena kandi ariyo ifata umwanzuro wa nyuma.

Abadepite bemeje ko urugendo rwo kweguza Trump rukomeza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza