USA: Abapolisi barindwi bagize uruhare mu rupfu rwa Daniel Prude birukanwe

Yanditswe na Iradukunda Serge
Kuya 4 Nzeri 2020 saa 07:56
Yasuwe :
0 0

Nyuma y’amezi atandatu Umwirabura witwa Daniel Prude apfuye, Umuyobozi w’Umujyi wa Rochester muri New York yafashe umwanzuro wo kwirukana abapolisi barindwi bakekwaho kugira uruhare mu rupfu rw’uyu mugabo.

Daniel Prude wari usanganywe uburwayi bwo mu mutwe yitabye Imana muri Werurwe nyuma y’uko polisi imwambitse icyo kumupfuka mu maso no mu mutwe ikamurambika hasi yubitse inda ku muhanda mu gihe cy’iminota ibiri ku buryo yaje kubura umwuka, nk’uko amashusho ya ’camera’ umupolisi yari yambaye abigaragaza.

Gusa nubwo uyu mugabo yapfuye muri Werurwe amakuru y’urupfu rwe ntiyahise ajya hanze, ahubwo yatangiye kumenyekana nyuma y’uko umuryango we ukoresheje ikiganiro n’abanyamakuru.

Umuyobozi w’Umujyi wa Rochester, Lovely Warren, yabwiye itangazamakuru ku wa 3 Nzeri ko yirukanye abapolisi barindwi bagize uruhare mu rupfu rw’uyu mugabo.

Yagize ati “Nirukanye abapolisi barebwa n’iki kibazo, ndasaba ubugenzacyaha gutangiza iperereza.”

Warren yakomeje agaya umukuru wa polisi muri uyu mujyi utarigeze amugezaho iki kibazo ubwo cyabaga ahubwo akabimubwira mu ntangiriro za Kanama.

Urupfu rwa Prude rwabaye amezi abiri mbere y’uko iyicwa rya George Floyd riteza uburakari muri Amerika no mu bice bitandukanye ku Isi.

Daniel Prude yapfuye muri Werurwe bigizwemo uruhare na Polisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .