Iyi nkubi y’umuyaga yiswe ‘Helene’, imaze kwangiza byinshi birimo n’ibikorwaremezo , kugeza ubwo abasaga miliyoni 2.6 nta muriro w’amashanyarazi bafite.

Ikigo Moody’s Analytics cyatangaje ko nibura ibimaze kwangizwa n’iyo mvura ivanze n’umuyaga, bibarirwa agaciro ka miliyari ziri hagati ya $15 na miliyari $26.

Leta zibasiwe cyane zirimo Alabama, Florida, Georgia, North Carolina na South Carolina.

Kuri uyu wa Gatandatu Perezida Joe Biden yatangaje ko igihugu cyahuye n’isanganya rikomeye, yizeza ko bari gukora ibishoboka byose ngo batabare abari mu kaga.

Ni imvura yagwanye ubukana bukabije irimo n’umuyaga udasanzwe, ufite umuvuduko wa kilometero 140 ku isaha.

Ibikorwa byinshi byafunze imiryango nk’amashuri n’amavuriro, inzu, imihanda n’ibindi birasenyuka.

Umwe mu baturage ba Amerika yitegereza ibyangijwe n'imvura

Imodoka yarengewe n'umwuzure

Umuyaga mwinshi watumye ibiti bigwa hirya no hino muri Amerika

Imyuzure yabaye myinshi mu bice iyi mvura yaguyemo

Imiryango myinshi ikeneye ubutabazi nyuma yo gusenyerwa n'iyi mvura ikomeye

Ibice byegereye inyanja biri mu byibasiwe cyane